影片
更多
2009-11-27
142 瀏覽
今日約了表表教主, 基基, 外星人, 火星人去影相, 想去影返細個時住既地區, 因為好耐都無踏足過..所以約定了今日影相也...影相前, 本魚提議去飲茶, 橫樹要去荷里活道, 東街/普慶街等地影相...於是相約於蓮香居飲茶返個茶先. 外星人和火星人先到, 好彩去到佢地已搵到6人枱, 隨後教主和基基都到達. 點心車仔一黎到, 呀姐話焗西米蓮蓉布甸好食, 仲話剛出咋...轉頭就無...第一樣野..食甜食? 於是我地叫了一碗share...第一羹..嘩...水水的..入面還未焗透呢! 蓮蓉唔多夠香呢~ 雞絲粉卷, + 豬潤燒賣- 本魚唔食...但聽相公話豬潤唔太新鮮呢... 潮州粉果- 皮比較厚, 餡都算多..., 如皮薄返D, 口感會好好多 鵪春蛋燒賣- 好少地方有了...本魚唔食鵪春蛋, 聽其他人講都可以 鴨掌柚皮- 柚皮入味, 唔錯架.. 叉燒酥 - 外皮鬆化, 餡入面夠熱, 而且唔係好似出面咁d 餡用肥叉燒呢 燒腩卷 - 次次去蓮香樓都要搶先有得食架, 黎到蓮香居..等了好耐都未出現, 好彩部長叔叔既幫手, 拎了2籠新鮮出爐比我地唷~ 馬拉糕 - 依家出面食到咁懷舊既味道, 同
影相前, 本魚提議去飲茶, 橫樹要去荷里活道, 東街/普慶街等地影相...於是相約於蓮香居飲茶返個茶先.
外星人和火星人先到, 好彩去到佢地已搵到6人枱, 隨後教主和基基都到達.
點心車仔一黎到, 呀姐話焗西米蓮蓉布甸好食, 仲話剛出咋...轉頭就無...第一樣野..食甜食? 於是我地叫了一碗share...第一羹..嘩...水水的..入面還未焗透呢! 蓮蓉唔多夠香呢~
雞絲粉卷, + 豬潤燒賣- 本魚唔食...但聽相公話豬潤唔太新鮮呢...
潮州粉果- 皮比較厚, 餡都算多..., 如皮薄返D, 口感會好好多
鵪春蛋燒賣- 好少地方有了...本魚唔食鵪春蛋, 聽其他人講都可以
鴨掌柚皮- 柚皮入味, 唔錯架..
叉燒酥 - 外皮鬆化, 餡入面夠熱, 而且唔係好似出面咁d 餡用肥叉燒呢
燒腩卷 - 次次去蓮香樓都要搶先有得食架, 黎到蓮香居..等了好耐都未出現, 好彩部長叔叔既幫手, 拎了2籠新鮮出爐比我地唷~
馬拉糕 - 依家出面食到咁懷舊既味道, 同細個時食既味道一樣, 鬆軟, 味濃
梅菜叉燒包- 點心姐姐係到叫梅菜叉燒包, 我地八卦地不如叫1籠黎試下, 因為我地未聽過有咁既叉燒包架, 初時我地都有D擔心..味道會唔會好怪呢, 咬一口, 好夾既味道, 梅菜唔鹹, 入口帶點甜, 加上濃濃叉燒+汁..熱辣辣..好味呢~
冬菇釀蝦膠- 冬菇大隻, 但冬菇未浸透而拎去蒸...蝦膠也算彈牙.
還食了鳳爪, 棉花雞, 雞批和咖哩魷魚, - 鳳爪味啖...棉花雞可以, 雞批, 個皮太甜, 用了叉燒酥一樣作皮面, 本魚..都係鐘意餅店用既牛油餅皮多D呢, 咖哩魷魚用了發水了既魷魚, 而且只係食到表面有咖哩味, 入面完全無味...唔好食....
總括, 都可以一去, 因為有D點心較特別, 蓮香居比蓮香樓坐位較舒適, 唔, 最好選擇時間早一點點去, 晏了去, 某些點心, 如灌湯餃已賣完了...
P.S. 教主係唔鐘意飲茶, 但也肯陪我地飲, 感謝萬分!
張貼
