影片
更多
2022-09-12
63 瀏覽
最近收工又嚟咗位於鵝頸橋附近嘅川菜 #小甜甜 晚飯😍 作為一個港島人又鍾意食辣嘢，真係細細個就開始食小甜甜，呢間川菜無論係lunch晚飯宵夜都好，已經陪伴左我十幾年，絕對係滿滿嘅回憶🥰🙈-🌶🍲麻辣魚卜煲($98)黎到小甜甜梗係唔少得食佢哋嘅麻辣風味煲，平時食開雞煲、田雞煲嘅我哋，今晚就叫咗個特別啲嘅魚卜煲，嗌左小辣，但係佢會越滾越辣，魚卜大大塊好滑溜，煲底仲有大量青瓜同薯仔條，完全索晒成個辣汁嘅精華，辣得好過癮‼️🔥-🔥🐂火爆牛肉($88)之後叫咗呢個廚師推介嘅火爆牛肉，炸過嘅牛肉大大塊，再淋上連加特調個醬汁，係麻辣又甜甜地嘅味道，估唔到出奇地好食！推介比愛辣人士👍🏻😍🤤-🥔酸辣炒土豆絲($62)叫咗兩個餸都係辣，就叫返啲酸酸地嘅嘢調下味，土豆絲切成幼條狀，口感好爽身，酸酸地非常開胃。-野生泡椒鳳爪($45)另一款小食我哋就叫咗呢個泡椒鳳爪，份量十足既鳳爪比酸酸辣辣嘅泡椒汁浸得好入味，食唔停口。-飲品我哋叫咗一杯珍寶青檸樹同埋木瓜鮮奶，特別推介青檸樹，清涼解辣🤤整體嚟講呢度嘅水準完全冇變過，食物辣得好過癮，下次一定再返黎食☺️☺️🤤
最近收工又嚟咗位於鵝頸橋附近嘅川菜 #小甜甜 晚飯😍 作為一個港島人又鍾意食辣嘢，真係細細個就開始食小甜甜，呢間川菜無論係lunch晚飯宵夜都好，已經陪伴左我十幾年，絕對係滿滿嘅回憶🥰🙈-
🌶🍲麻辣魚卜煲($98)
黎到小甜甜梗係唔少得食佢哋嘅麻辣風味煲，平時食開雞煲、田雞煲嘅我哋，今晚就叫咗個特別啲嘅魚卜煲，嗌左小辣，但係佢會越滾越辣，魚卜大大塊好滑溜，煲底仲有大量青瓜同薯仔條，完全索晒成個辣汁嘅精華，辣得好過癮‼️🔥
-
🔥🐂火爆牛肉($88)
之後叫咗呢個廚師推介嘅火爆牛肉，炸過嘅牛肉大大塊，再淋上連加特調個醬汁，係麻辣又甜甜地嘅味道，估唔到出奇地好食！推介比愛辣人士👍🏻😍🤤
-
🥔酸辣炒土豆絲($62)
叫咗兩個餸都係辣，就叫返啲酸酸地嘅嘢調下味，土豆絲切成幼條狀，口感好爽身，酸酸地非常開胃。
-
野生泡椒鳳爪($45)
另一款小食我哋就叫咗呢個泡椒鳳爪，份量十足既鳳爪比酸酸辣辣嘅泡椒汁浸得好入味，食唔停口。
-
飲品我哋叫咗一杯珍寶青檸樹同埋木瓜鮮奶，特別推介青檸樹，清涼解辣🤤整體嚟講呢度嘅水準完全冇變過，食物辣得好過癮，下次一定再返黎食☺️☺️🤤
張貼
