影片
更多
2024-09-03
561 瀏覽
喺渣甸街返咗差唔多兩年工，拾味係我少數會回頭幫襯嘅餐廳，不過今次先係我第一次食拾味嘅食評。其實我係無意中睇到下面留言話餃子有酸味，我心諗「我幾乎每次叫刀削麵都會食餃子，未試過出事喎？」，所以今次就特登咩都唔食住，整走醬汁試咗粒餃子，結果都係冇酸味，味道冇問題甚至幾好食嘅。餃子皮確實比較薄，不過我食開冇湯嘅熱拌刀削麵就冇問題，水餃跟湯麵嘅話我都要試過先知。我一直都食開佢嘅豬脷同牛𦟌，今次冇點牛𦟌改食豬肚。包括刀削麵在內，味道同咬口都係唔錯嘅，唔會淋過頭或者硬過頭。樓下好似話冷麵會唔熟？我食開熱拌所以唔清楚，下次會試下佢熟唔熟。銅鑼灣食飯，呢個價錢有呢種級數嘅份量同味道，我覺得合格有餘。補充：我自己真金白銀俾錢嗌外賣，從來都冇收過錢幫人寫食評㗎喎.... 外賣會有9折優惠，唔係當咗做我收人錢寫食評啩？？？
其實我係無意中睇到下面留言話餃子有酸味，我心諗「我幾乎每次叫刀削麵都會食餃子，未試過出事喎？」，所以今次就特登咩都唔食住，整走醬汁試咗粒餃子，結果都係冇酸味，味道冇問題甚至幾好食嘅。餃子皮確實比較薄，不過我食開冇湯嘅熱拌刀削麵就冇問題，水餃跟湯麵嘅話我都要試過先知。
我一直都食開佢嘅豬脷同牛𦟌，今次冇點牛𦟌改食豬肚。包括刀削麵在內，味道同咬口都係唔錯嘅，唔會淋過頭或者硬過頭。樓下好似話冷麵會唔熟？我食開熱拌所以唔清楚，下次會試下佢熟唔熟。
銅鑼灣食飯，呢個價錢有呢種級數嘅份量同味道，我覺得合格有餘。
補充：我自己真金白銀俾錢嗌外賣，從來都冇收過錢幫人寫食評㗎喎.... 外賣會有9折優惠，唔係當咗做我收人錢寫食評啩？？？
張貼
