13
2
1
等級4
249
7
回歸第一擊: 印式素菜館o既第三個選擇
2012-03-30 1070 瀏覽
已經好耐冇寫飲食o既感想. 請各位多多指教. 我都係從 Openrice 知道有呢間舖o既存在. 由於平日去老尖o既 Branto 同埋尖東o既「活蘭」食得多, 一直想搵o的新舖試o下. 見之前兩位食家 post 出o黎o既相好對版, 就一心諗住係新年假之後o黎食, 怎知當時睇到門口貼出告示, 話東主有喜返o左鄉下(印度), 要三月中致返o黎香港啟市. 咁無法啦, 唯有等到今晚放工後, 慢慢享受. 呢間舖係紅磡廣場對面o既青州街, 比較清靜. 格局同 Branto 相似, 都係實而不華. 一o黎到唔洗等位, 即刻點o的可以同老尖雙雄 (Branto / 活蘭) 比較o既菜式嗒真o的. 同 Branto 一樣, 佢地既菜牌有兩種: 英文既一張過純文字過膠菜牌, 同埋相簿式圖片菜牌, 以便唔多式叫菜名既本地食客睇住的相黎哎. 要留意既係相簿類面既菜式, 例如 Dosa, 係純文字菜牌類面係無既, 可以話係互相補足. 我點左以下既菜式. 立即去片:「Masala Dosa」(南印度煎米餅): 質素拍得住 Branto 咁好. 由於佢唔係 Paper Dosa, 由頭脆到落尾個種. 而係外邊
更多

已經好耐冇寫飲食o既感想. 請各位多多指教.


我都係從 Openrice 知道有呢間舖o既存在. 由於平日去老尖o既 Branto 同埋尖東o既「活蘭」食得多, 一直想搵o的新舖試o下. 見之前兩位食家 post 出o黎o既相好對版, 就一心諗住係新年假之後o黎食, 怎知當時睇到門口貼出告示, 話東主有喜返o左鄉下(印度), 要三月中致返o黎香港啟市.
咁無法啦, 唯有等到今晚放工後, 慢慢享受.

呢間舖係紅磡廣場對面o既青州街, 比較清靜. 格局同 Branto 相似, 都係實而不華. 一o黎到唔洗等位, 即刻點o的可以同老尖雙雄 (Branto / 活蘭) 比較o既菜式嗒真o的.

同 Branto 一樣, 佢地既菜牌有兩種: 英文既一張過純文字過膠菜牌, 同埋相簿式圖片菜牌, 以便唔多式叫菜名既本地食客睇住的相黎哎. 要留意既係相簿類面既菜式, 例如 Dosa, 係純文字菜牌類面係無既, 可以話係互相補足. 我點左以下既菜式. 立即去片:
Masala Dosa (連 Sambar 湯 及 coconut chutney)
466 瀏覽
0 讚好
0 留言
 「Masala Dosa」(南印度煎米餅): 質素拍得住 Branto 咁好. 由於佢唔係 Paper Dosa, 由頭脆到落尾個種. 而係外邊脆, 包住薯蓉餡既中間部分厚度適中, 好趙得黎唔會好似「活蘭」既 Dosa 咁韌癡癡. 裡面既咖哩薯蓉餡同 Branto 一樣係高水準, 一樣有辣椒乾混入其中, 我就知道我冇點錯野, 食落口係完全對版, 辣度適中. 值得向大家推薦!
跟 Masala Dosa 上o既 "Sambar 湯"
396 瀏覽
0 讚好
0 留言
 「Sambar 湯」: 係跟埋 Masala Dosa 送o既點汁. Sambar 係南印度菜式之中, 用o黎點 Dosa, Idli, Vada 等等o既湯汁. 一般印度菜館做o既 Sambar (包括 Branto 同 活蘭) 都做得比較稀, 而且用料比較少, 飲完好似飲一般中湯咁, 一陣風無乜感覺. 手上o既呢一碗, 令我對 Sambar o既印象完全改觀: 夠濃, 菜料份量足, 淡淡都係入味既椰菜花同埋薯仔, 完全唔捨得用佢o黎點 Dosa (因為兩樣o野o既味道都好 "出"), 當佢係一碗好好味o既西式餐湯慢慢嘆, 真係一流!
同樣咁出色o既 coconut chutney
373 瀏覽
0 讚好
0 留言
 「coconut chutney」(椰子醬): 都係跟埋 Masala Dosa 送o既點醬. 呢個 coconut chutney 同我係老尖雙雄食到o既好唔同. Branto 同 活蘭 o既椰子醬係粗磨, 食到一粒一粒o既椰子, 味道比較粗糙. 呢度o既椰子醬係幼磨, 唔會見到粒粒椰子, 口感幼滑, 而混和其中o既辣味o係食入口之後至慢慢滲出o黎, 好有層次. 我心諗連一個小小o既醬料都做得咁有心機, 其他o既食品多數都差極有限, 真係估佢唔到!
Vegetable Biriyani (後) + Paneer Bhurji (前)
463 瀏覽
0 讚好
0 留言
 「Vegetable Biriyani」(什菜炒飯): 同 Branto o既比較, 呢度o既 Biriyani 同樣都係落足料, 好充實. Branto o既炒得都幾油, 而呢道做出o黎o既就少油同健康得多, 食到o既質感真係幾近似印度住家飯o既 Biriyani, 由一個大煲裡面裝出o黎o既有味飯咁親切. 能夠做到呢種程度o既水準, 實在難得. (「活蘭」o個o的印式炒飯, 差到真係唔好提.)


「Paneer Bhurji」(印式炒芝士): "Bhurji" 係印式炒蛋, 而呢味菜裡面, 用o左印式芝士 (paneer) 代替雞蛋. 印式芝士o既口感其實好似充滿牛奶味o既硬豆腐, 將佢加熱o黎炒就會產生類似雞蛋o既質感同效果. Branto o既 Paneer Bhurji, 芝士比佐料多, 比較幼滑, 味道好好但欠缺一份街頭小食o既粗豪氣慨. 呢度o既印式炒芝士, 配料好充足, 淡淡都係洋蔥, 芫茜, 蕃茄同青椒, 印式芝士炒出o黎既口感, 真係同真炒蛋無乜分別, 一樣咁好味, 完全做到街邊小販賣 egg bhurji o既風味, 我非常滿意.


總結: 對於鍾意食印度素食o既我o黎講, 今次真係發現新大陸, 唔使成日食o黎食去都係老尖雙雄咁無選擇. 要我排名次, 我會將 Sharmaji 同 Branto 並排第一, 因為呢兩間都各有所長, 水準同樣咁高; 至於味道同質素都比較求其o既「活蘭」, 就係退而求其次o既次選.

(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
2 已推介
    張貼
    評分
    味道
    環境
    服務
    衛生
    抵食
    用餐日期
    2012-03-29
    用餐途徑
    堂食
    人均消費
    $100 (晚餐)
    推介美食
    Masala Dosa (連 Sambar 湯 及 coconut chutney)
    跟 Masala Dosa 上o既 "Sambar 湯"
    同樣咁出色o既 coconut chutney
    Vegetable Biriyani (後) + Paneer Bhurji (前)
    • Masala Dosa (南印度煎米餅)
    • Vegetable Biriyani (什菜炒飯)
    • Paneer Bhurji (印式炒芝士)