通記海鮮酒家 (已結業)

因為團購現金卷，一家人又再跟媽媽食生日飯 (呢餐已經係今年的第三餐生日飯，媽媽好開心呢！)，網上評價唔好，話用現金卷受歧視，有少少擔心，決定點套餐，以免麻煩。當日天氣凍，唔太多散客。見到某政府部門有幾圍，我們坐在那幾圍枱的旁邊。正如網友所言，坐低後服務員的態度冷淡，但又唔講得好差，餐牌內只有幾款套餐，六個人簡單地點了六人餐，$1080 + 茶芥 + 加一 + 小食等等，埋單大約千三元左右。埋單時，部長前來打招呼，話下次可以找他直接寫菜，每人二百五的預算都可以包魚生船，仲好有禮貎請我地下次再幫襯。點解部長唔早啲黎？咁就可以食好啲啦。