常滿百家菜

營業中

休息中

因為宣傳易 所以真係想嚟試吓睇吓會唔會中伏？入到去個場都幾大雖然環境就係一般酒樓咁樣 同預期差唔多 不過嘢食真係有驚喜。鴛鴦火鍋湯底好足料 最正就係點心都可以任點任食 蝦餃燒賣鳳爪排骨小籠包炸饅頭流沙包叉燒包乜嘢都有 平時出去食一籠點心都二三十蚊 喺呢度食返幾籠真係贏咗。而且佢個蝦餃真係好有驚喜 有四粒大大粒蝦係入邊好爽口 我哋都encore左三四次 仲有個排骨鳳爪牛百葉都正。至於火鍋配料都多選擇 最驚喜就係大支裝啤酒都係任飲 加埋一$200都唔使有呢個質素 真係收貨。