影片
更多
2022-12-22
1105 瀏覽
法國餐一直以嚟都俾人感覺一種貴氣嘅感覺，Fine Dinning嘅場合先會食到。擺盤講求精緻，似藝術品多過似食物。而最近發現Mega Box開咗一間走田園風格嘅法式餐廳，感覺有別於一般嘅法國菜。餐廳最近仲做緊一個經濟實惠嘅2人Dinner set, 份量夠之餘仲可以揀自己想食嘅頭盤同main course, 而且選擇都幾多。四款自選頭盤：法式醃製紅菜頭簡單開胃嘅頭盤，紅菜頭好香甜，唔怕會有菜腥嘅味道。金文畢芝士伴鮮無花果醬用嚟配返餐廳嘅Black Label Chardonnay就最好不過，入口先係無花果醬嘅清甜，然後再帶有陣陣奶油香嘅金文畢芝士，口感唔會太膩而且味道偏清啖。配上Chardonnay可以令奶油味同香滑口感增強，而且酒體嘅果香亦會散發得更長久。輕煎醃製劍魚味道口感有驚喜，好似食緊日式料理，醃製後嘅劍魚偏酸，開胃感十足。係一個食完想再食嘅starter。挪威煙三文魚伴蜜糖刁草醬煙三文魚嘅油份豐富，配搭返蜜糖刁草醬唔會過份地油膩。配返Chardonnay嘅味道令油脂味道提升。甘荀野菜湯味道較為清淡嘅西式餐湯。少少Creamy嘅口感好適合冬天嘅時候，飲完暖笠笠。野菜帶有少少田園
法國餐一直以嚟都俾人感覺一種貴氣嘅感覺，Fine Dinning嘅場合先會食到。擺盤講求精緻，似藝術品多過似食物。而最近發現Mega Box開咗一間走田園風格嘅法式餐廳，感覺有別於一般嘅法國菜。
餐廳最近仲做緊一個經濟實惠嘅2人Dinner set, 份量夠之餘仲可以揀自己想食嘅頭盤同main course, 而且選擇都幾多。
四款自選頭盤：
法式醃製紅菜頭
簡單開胃嘅頭盤，紅菜頭好香甜，唔怕會有菜腥嘅味道。
金文畢芝士伴鮮無花果醬
用嚟配返餐廳嘅Black Label Chardonnay就最好不過，入口先係無花果醬嘅清甜，然後再帶有陣陣奶油香嘅金文畢芝士，口感唔會太膩而且味道偏清啖。配上Chardonnay可以令奶油味同香滑口感增強，而且酒體嘅果香亦會散發得更長久。
輕煎醃製劍魚
味道口感有驚喜，好似食緊日式料理，醃製後嘅劍魚偏酸，開胃感十足。係一個食完想再食嘅starter。
挪威煙三文魚伴蜜糖刁草醬
煙三文魚嘅油份豐富，配搭返蜜糖刁草醬唔會過份地油膩。配返Chardonnay嘅味道令油脂味道提升。
甘荀野菜湯
味道較為清淡嘅西式餐湯。少少Creamy嘅口感好適合冬天嘅時候，飲完暖笠笠。野菜帶有少少田園嘅風味。
經典法式洋蔥湯
Classic嘅法式餐湯，法包上嘅cheese爆哂棚，味道偏甜中帶有少少嘅洋蔥辣。
傳統法式卡酥萊( 五花肉、豬肉腸配蘑菇白腰豆) 伴沙律
初嚐呢道傳統嘅法式家鄉菜。味道香濃得嚟有少少似中式嘅老火湯，味道以西餐嚟講係好特別。五花肉先輕輕煎香再加上高湯煮成，感覺好似食嘅入哂味嘅厚切午餐肉。伴餐仲會有一客田園沙律配返，但感覺如果係配白飯嘅會開心好多。
油封烤鴨配法式雜菜薯角伴香橙醬
食法國餐數一數二必點嘅菜式，而餐廳都冇令我失望。外皮油封咗煎得外層好脆口，內裡鴨肉好juicy嫩滑，鴨香十足。
藍莓法式千層酥
甜品係最classic嘅千層酥，吉士醬唔會話好甜，份量細細份唔會好有罪惡感，好完滿嘅一個2人set。
張貼
