影片
更多
2019-07-20
1896 瀏覽
星期六放假，心血來潮想食牛扒同飲紅酒。自己煮牛扒始終火候都係麻麻地，不如搵個好地方食。咁岩去圓方行街，就上平台搵有咩好嘢食。經過依間餐廳醒起之前係中環食過質素唔錯就入去。我哋喺圓方買咗支紅酒帶入去飲，有開瓶費但價錢都尚算合理。始終自己揀嘅紅酒，質素味道都有保證，肯定啱自己口味。前菜係Burrata with salmon 呢個菜配搭得唔錯，香滑嘅芝士加上鹹香嘅煙三文魚，配上我最喜愛嘅酸種麵包，多重味道和口感，滿意。主菜係10安士牛扒配上粟米忌廉汁。牛扒揀咗三成熟，火候控制得啱啱好，牛肉味香濃，底下嘅粟米汁我唔係唔鍾意。但我冇點樣掂，淨係食牛扒加小小鹽同胡椒已經好好食。因為肉味濃配埋我哋揀嘅Cabernet Sauvignon 紅酒好夾~最後甜品叫了一般西餐少有的西班牙油炸鬼churros ，麵團新鮮炸起配上微暖嘅朱古力醬同埋雪糕非常好味。食物好味，價錢又唔算貴，係喺圓方食飯嘅一個好選擇
咁岩去圓方行街，就上平台搵有咩好嘢食。經過依間餐廳醒起之前係中環食過質素唔錯就入去。我哋喺圓方買咗支紅酒帶入去飲，有開瓶費但價錢都尚算合理。始終自己揀嘅紅酒，質素味道都有保證，肯定啱自己口味。
前菜係Burrata with salmon
呢個菜配搭得唔錯，香滑嘅芝士加上鹹香嘅煙三文魚，配上我最喜愛嘅酸種麵包，多重味道和口感，滿意。
主菜係10安士牛扒配上粟米忌廉汁。牛扒揀咗三成熟，火候控制得啱啱好，牛肉味香濃，底下嘅粟米汁我唔係唔鍾意。但我冇點樣掂，淨係食牛扒加小小鹽同胡椒已經好好食。因為肉味濃配埋我哋揀嘅Cabernet Sauvignon 紅酒好夾~
最後甜品叫了一般西餐少有的西班牙油炸鬼churros ，麵團新鮮炸起配上微暖嘅朱古力醬同埋雪糕非常好味。
食物好味，價錢又唔算貴，係喺圓方食飯嘅一個好選擇
張貼
