影片
更多
2024-04-17
692 瀏覽
好少嚟九龍站圓方逛，難得過嚟，所以順便想睇吓有冇啲中價位嘅食肆可以晚餐，就俾我哋見到呢間價錢喺圓方地段嚟講，唔算貴嘅拉麵店今晚食咗：1）東京魚介豚骨拉麵 （期間限定）$118呢個期間限定嘅魚介拉麵超足料，湯底係非常之濃厚，喜歡湯底有啲油脂口感就非常適合，因為呢咁樣先至做到拉麵每條都可以掛湯，而且拉麵軟硬度適中。叉燒切得夠薄，好大塊，仲有一隻糖心蛋，因為出面有啲拉麵店多數糖心蛋係要另外加錢，而且有時候係得半隻。2）日本蜆貝醬油拉麵 $128呢個湯底比較清甜，而且夠鮮！我哋就鍾意呢個多啲，因為呢個湯鮮甜到係令到你想飲多幾啖湯，同不停食啲麵。蜆肉新鮮飽滿，冇沙，仲有兩三塊招牌薄切叉燒，蔥花又夠多，超正！3）小食：蔥花牛舌 $78每塊牛舌都切到非常之薄，所以快炒快上可以保持牛舌口感爽滑，加啲七味粉仲可以令到個味道昇華，更加惹味！4）小食：薯仔沙律 $48個薯仔沙律好清新，食得出係用新鮮薯仔整成，啲菜係用黑醋汁底，所以好醒胃，啲菜亦都好新鮮爽脆，兩個人食個份量當前菜啱啱好！5）小食：炸雞 $60新鮮炸起，即上嘅炸雞係份外好食！雞皮好脆，食嘅時候熱辣辣，啲雞肉咬開係一絲絲咁扯開，雞肉入面仲保持咗啲
今晚食咗：
1）東京魚介豚骨拉麵 （期間限定）$118
呢個期間限定嘅魚介拉麵超足料，湯底係非常之濃厚，喜歡湯底有啲油脂口感就非常適合，因為呢咁樣先至做到拉麵每條都可以掛湯，而且拉麵軟硬度適中。
叉燒切得夠薄，好大塊，仲有一隻糖心蛋，因為出面有啲拉麵店多數糖心蛋係要另外加錢，而且有時候係得半隻。
2）日本蜆貝醬油拉麵 $128
呢個湯底比較清甜，而且夠鮮！我哋就鍾意呢個多啲，因為呢個湯鮮甜到係令到你想飲多幾啖湯，同不停食啲麵。蜆肉新鮮飽滿，冇沙，仲有兩三塊招牌薄切叉燒，蔥花又夠多，超正！
3）小食：蔥花牛舌 $78
每塊牛舌都切到非常之薄，所以快炒快上可以保持牛舌口感爽滑，加啲七味粉仲可以令到個味道昇華，更加惹味！
4）小食：薯仔沙律 $48
個薯仔沙律好清新，食得出係用新鮮薯仔整成，啲菜係用黑醋汁底，所以好醒胃，啲菜亦都好新鮮爽脆，兩個人食個份量當前菜啱啱好！
5）小食：炸雞 $60
新鮮炸起，即上嘅炸雞係份外好食！雞皮好脆，食嘅時候熱辣辣，啲雞肉咬開係一絲絲咁扯開，雞肉入面仲保持咗啲原汁，再點埋配送嘅蛋白醬，非常之夾！
服務員服務態度好好，服務周到，時不時就會自動過嚟幫忙添茶，唔洗食客叫到口水都乾都冇人理。食物質素都好高，因為半個鐘返到屋企後個口都唔乾、唔口渴，相信啲湯底係冇味精嘅。
東京魚介豚骨拉麵（期間限定）
3 瀏覽
0 讚好
0 留言
東京魚介豚骨拉麵
1 瀏覽
0 讚好
0 留言
日本蜆貝醬油拉麵
95 瀏覽
0 讚好
0 留言
2 瀏覽
0 讚好
0 留言
1 瀏覽
0 讚好
0 留言
炸雞肉
0 瀏覽
0 讚好
0 留言
1 瀏覽
0 讚好
0 留言
蔥花牛舌
1 瀏覽
0 讚好
0 留言
薯仔沙律
1 瀏覽
0 讚好
0 留言
張貼
