影片
更多
2021-11-21
207 瀏覽
店鋪：自由薈 (觀塘)地址：觀塘鴻圖道34號致樂工業大廈8樓C室 自由薈 喺一間一站式到會服務餐廳🍴，佢哋提供八國風味、唔同款式、唔同組合嘅自選到會美食，嚟緊就喺聖誕節，唔知你又諗到點同朋友慶祝未呢🎄？未諗到嘅不妨睇吓呢間自由薈啱唔啱你口味😋佢哋有好幾個menu，有超過60款食物任你揀，除咗有「日常2磅食物Menu」適合6-30人之外，仲有「日常派對5磅Menu」比公司或者團體搞一啲30-80人嘅大型party，三五知己或者一家人亦可以考慮「Mini分享3-5人餐Menu」👨👩👧👧，食肉獸仲可以揀「全肉組合Menu」，都算應有盡有👍；而嚟緊聖誕節佢哋仲推出全新嘅12月聖誕Menu，疫情期間大部份日子仲有88折添😍✝️日常2磅食物Menu——6-8人份量 $784今次叫嘅呢個套餐除翻開8個人都喺每人$98，可以喺Menu入面任揀8款食物，大食嘅人仲可以揀多啲主食😛，仲有小食🍤、熱盤🍗、沙律🥗、冷盤、包點🌭、素食同甜品八大選擇，揀有啲食物你喺鍾意嘅😎我就揀咗呢8款食物：1️⃣蒲燒鰻魚玉子蛋意大利麵忌廉汁2️⃣日本一口和牛炒飯配飛魚籽3️⃣德國洋腸拼盤配他他醬 4️⃣蜜糖芥末雞搥 5️⃣即燒菠蘿梳打BBQ美
地址：觀塘鴻圖道34號致樂工業大廈8樓C室
自由薈 喺一間一站式到會服務餐廳🍴，佢哋提供八國風味、唔同款式、唔同組合嘅自選到會美食，嚟緊就喺聖誕節，唔知你又諗到點同朋友慶祝未呢🎄？未諗到嘅不妨睇吓呢間自由薈啱唔啱你口味😋
佢哋有好幾個menu，有超過60款食物任你揀，除咗有「日常2磅食物Menu」適合6-30人之外，仲有「日常派對5磅Menu」比公司或者團體搞一啲30-80人嘅大型party，三五知己或者一家人亦可以考慮「Mini分享3-5人餐Menu」👨👩👧👧，食肉獸仲可以揀「全肉組合Menu」，都算應有盡有👍；而嚟緊聖誕節佢哋仲推出全新嘅12月聖誕Menu，疫情期間大部份日子仲有88折添😍
✝️日常2磅食物Menu——6-8人份量 $784
今次叫嘅呢個套餐除翻開8個人都喺每人$98，可以喺Menu入面任揀8款食物，大食嘅人仲可以揀多啲主食😛，仲有小食🍤、熱盤🍗、沙律🥗、冷盤、包點🌭、素食同甜品八大選擇，揀有啲食物你喺鍾意嘅😎
我就揀咗呢8款食物：
1️⃣蒲燒鰻魚玉子蛋意大利麵忌廉汁
2️⃣日本一口和牛炒飯配飛魚籽
3️⃣德國洋腸拼盤配他他醬
4️⃣蜜糖芥末雞搥
5️⃣即燒菠蘿梳打BBQ美國豬仔骨
6️⃣柚子蜜桃煙鴨胸凱撒沙律
7️⃣泰式酸辣無骨鳳爪
8️⃣繽紛法國馬卡龍(小甜)
我最鍾意喺佢哋嘅意大利麵，除咗份量夠多，忌廉汁仲做到好惹味🍝，將蒲燒鰻魚同埋玉子蛋混入到意大利麵當中，鰻魚無一條都有半條嘅size，食落creamy，不過如果啲汁少啲啲就好無咁膩🤏
美國豬仔骨同樣唔惹少😏，比咗兩大舊，按住骨肉嘅紋理切開都切到十件，自由薈自家製整咗隻菠蘿梳打BBQ汁，食落香濃幾match，豬肉烤得軟腍唔嚡，忍唔住連骨頭都吮到一滴醬汁都無晒😹
和牛炒飯嘅飛魚籽同肉味鮮明嘅和牛粒基乎遍布每一啖飯，不過飯底略為乾身；
德國洋腸拼盤有五款有辣有唔辣🌶、有脆皮有爽口嘅腸，仲配上薯蓉同他他醬；
雞搥烤得出色滋味，有輕輕嘅蜜糖芥末香；
無骨鳳爪以泰式酸辣汁醃製，放入口香茅味先湧出，繼而食到青檸嘅清新酸香，辣味隨之滲透喺口腔之間，食完一隻又一隻😌；
當然唔少得勁大盤嘅柚子蜜桃煙鴨胸凱撒沙律同
五顏六色兼小甜嘅法國馬卡龍啦👏自由薈整體而言都唔錯，落單快便快捷，價錢實惠，食物選擇、份量夠多，食物仲可以送到你屋企，仲包埋餐具，睇嚟以後開Party又多個選擇🎉
張貼
