影片
更多
2018-10-29
2467 瀏覽
又到打邊爐季節la~~~~ hungry pig 又要出動!!!今次去友人推介嘅主打堅"無限時"任食雞煲火鍋!! 朋友仔話地方唔大，仲要無限時，叫hungry pig 一定要預早book定先！呢間係樓上鋪黎，唔係朋友介紹就咁係街經過都唔知有得打邊爐，應該係做開熟客仔生意🤔坐低第一時間梗係叫個雞煲先la，同行友人唔食得辣，唯有叫微辣。可能微辣關係，味道一般, 醬汁係靈魂所在, 但個醬汁唔夠濃郁，無得同某雞煲專門店比...... (可能hungry pig 重口味) 如果對雞煲無興趣嘅朋友，可以skip咗去直接打邊爐，因為店家都係唔會就咁加湯落個雞煲度!!食完雞煲，店家會收走換個新嘅煲，無得撈返d雞汁...... 至於湯底Hungry pig 就緊係要養顏花膠濃雞鍋la~ 花膠份量都算夠誠意, 煲耐少少夠晒淋身又有咬口!! 女士們識揀la??除左個鍋，第一輪仲會幫你上埋海鮮拼盤(只限一次)同埋某D食材 (見上圖3-10號)，唔夠就再加單la!!一分錢一分貨，海鮮非常新鮮，蝦丸 外號牛魔王嘅朋友仔話牛肉夠誠意，唔係用超肥嘅普通肥牛 可惜牛丸味道無咁好。響鈴標榜即炸 其他食材就略為普通。值
今次去友人推介嘅主打堅"無限時"任食雞煲火鍋!! 朋友仔話地方唔大，仲要無限時，叫hungry pig 一定要預早book定先！呢間係樓上鋪黎，唔係朋友介紹就咁係街經過都唔知有得打邊爐，應該係做開熟客仔生意🤔
坐低第一時間梗係叫個雞煲先la，同行友人唔食得辣，唯有叫微辣。可能微辣關係，味道一般, 醬汁係靈魂所在, 但個醬汁唔夠濃郁，無得同某雞煲專門店比...... (可能hungry pig 重口味) 如果對雞煲無興趣嘅朋友，可以skip咗去直接打邊爐，因為店家都係唔會就咁加湯落個雞煲度!!
食完雞煲，店家會收走換個新嘅煲，無得撈返d雞汁...... 至於湯底Hungry pig 就緊係要養顏花膠濃雞鍋la~ 花膠份量都算夠誠意, 煲耐少少夠晒淋身又有咬口!! 女士們識揀la??
除左個鍋，第一輪仲會幫你上埋海鮮拼盤(只限一次)同埋某D食材 (見上圖3-10號)，唔夠就再加單la!!一分錢一分貨，海鮮非常新鮮，蝦丸 外號牛魔王嘅朋友仔話牛肉夠誠意，唔係用超肥嘅普通肥牛 可惜牛丸味道無咁好。響鈴標榜即炸 其他食材就略為普通。
值得一讚係店員周不時都會主動加湯同埋收碟
罐裝汽水、罐裝無糖茶任飲，啤酒另外收費。最後埋單每人$228加一，唔洗額外醬油錢! 但記住帶足夠cash, 因為唔收卡架~!!!
推介呢間餐廳嘅原因, 係因為堅無限時，唔會吹你last order 埋單 所以團聚啱晒，唔洗滾水淥腳趕住走!
但記住要book位!!!
Hungry pig 溫提: 11月1日開始要加價喔!!
張貼
