影片
更多
2014-02-14
1059 瀏覽
上次去 Oliver's Super Sandwiches 係差不多兩個月前o係理工大學,o個間舖係價錢平o的,不過款式同其他分店有o的唔同過年前睇到報紙雜誌,覺得奧海城o既賀年裝飾幾特別,今年主題係「跳跳馬Rody」,呢日黃昏放工就去呢個商場同呢隻馬影相之前買左呢個商場o既 Oliver's Super Sandwiches 團購 coupon,可以順便黎食晚餐,大約8pm 已經過左繁忙時間,比較容易搵位,睇完餐牌就要先到收銀處落單及俾錢,叫左挪威煙三文魚碎蛋沙律意大利熱烘三文治套餐$62,呢個餐原本係半份煙三魚碎蛋熱烘蕃茄意大利包再加凱撒沙律,不過可以俾我選擇唔要沙律要全份三文治,隨餐跟一杯illy 即磨咖啡,另外 6pm後叫任何三文治,薯蓉,意粉或沙律,都可以加$8有酥皮湯,平時好少機會飲到酥皮湯,所以我都加$8配酥皮湯,收銀員話酥皮湯可以選擇雜菜湯或者南瓜湯,咁我就話要南瓜湯啦!搵到座位坐低大約五分鐘,估唔到服務員先送三文治到枱上,酥皮湯因為要焗,所以要等大約十分鐘先黎到呢份三文治餡料都算豐富,除左有大大塊煙三文魚及碎蛋沙律,仲有生菜,蕃茄及洋蔥,不過我覺得o的洋葱太生,味道唔
過年前睇到報紙雜誌,覺得奧海城o既賀年裝飾幾特別,今年主題係「跳跳馬Rody」,呢日黃昏放工就去呢個商場同呢隻馬影相
之前買左呢個商場o既 Oliver's Super Sandwiches 團購 coupon,可以順便黎食晚餐,大約8pm 已經過左繁忙時間,比較容易搵位,睇完餐牌就要先到收銀處落單及俾錢,叫左挪威煙三文魚碎蛋沙律意大利熱烘三文治套餐$62,呢個餐原本係半份煙三魚碎蛋熱烘蕃茄意大利包再加凱撒沙律,不過可以俾我選擇唔要沙律要全份三文治,隨餐跟一杯illy 即磨咖啡,另外 6pm後叫任何三文治,薯蓉,意粉或沙律,都可以加$8有酥皮湯,平時好少機會飲到酥皮湯,所以我都加$8配酥皮湯,收銀員話酥皮湯可以選擇雜菜湯或者南瓜湯,咁我就話要南瓜湯啦!
搵到座位坐低大約五分鐘,估唔到服務員先送三文治到枱上,酥皮湯因為要焗,所以要等大約十分鐘先黎到
呢份三文治餡料都算豐富,除左有大大塊煙三文魚及碎蛋沙律,仲有生菜,蕃茄及洋蔥,不過我覺得o的洋葱太生,味道唔係咁夾
食左半份三文治,飲左半杯 illy 即磨咖啡,就拎起把刀切開塊酥皮
一切開就發覺唔對路,我係要南瓜湯,整鬼佢,唔知落錯單抑或俾錯,竟然係雜菜湯,唯有照飲啦, 雜菜湯除左雜菜仲有o的通粉,至於塊酥皮有o的牛油味,幾適合將酥皮吸收o的湯黎食
illy 即磨咖啡味道一般,冇乜特別
呢一餐原本係$70,不過用左團購 coupon 只需要$45
Oliver's Super Sandwiches 係屬於大家樂集團,今次團購 coupon 不適用於2月14日情人節,或者餐廳都認為呢度係情人節晚飯o既好地方,當晚一定會多食客,所以唔俾大家享用團購優惠
題外話/補充資料：
有時睇報紙都見到有 coupon,$43就食到指定款式套餐,包一杯熱咖啡及酥皮湯,真係幾抵食,不過o個o的優惠三文治及意粉套餐款式真係咁耐都冇轉過,只有價錢不斷上升
(以上食評乃用戶個人意見 , 並不代表OpenRice之觀點。)
張貼
