十八宴會 (已結業)

買左4位的團購火鍋劵今日約齊人去大吃一餐,因為臨時有事我被迫遲了一小時到,到果陣家人們都飽了8成了,佢地叫咗豬骨湯底,本來都幫我叫了用2邊鍋,但去食火鍋唔食牛又對唔住自己,結果都係破咗戒,一黎就比人服侍,芝心丸和菇類都放滿碗裡,其中有一隻叫本菇的很罕有,第一次見感覺像肥大肉厚的金菇,口感不錯,肥牛都算ok,6:4比例吧(不過下一輪出的是5:5,沒有拿),當晚沒有見到團購所說的爽甜鱔片和鮮甜海參(又說4位就送海參,都沒了一回事),汽水只有百事和橙汁,竹蔗水沒有雪凍,但原來幾好飲,好香竹蔗味,當晚款式都算幾多,但我只集中吃菇和菜,雞子普通大,烏冬幾好,但唔知點解個湯好多黃油,食到最後沒有試到個湯,連醬油錢total99蚊完事,唔算好平,收碟唔算好快,叠到3隻左右先有人收,這裡沒有湯加,只有加水,還有一次要自己落手加,個場見到用左好多布遮遮掩掩,看來連裝修都懶了,最差就是沒了海參,想我再幫襯也難了ps:如果你問我食完有無唔舒服,有.....之後在旺角去左厠所半個鐘,不過人人體質不同.我不敢埋怨店內衛生......仲有無其他唔舒服.....無