盈苑海鮮酒家

營業中

休息中

好耐無飲茶啦，今日去左土瓜灣探朋友，朋友話我知附近開左間新酒樓，於是我地就黎到酒樓飲茶啦，我地點左幾個點心黎開心share 。山竹紫薯流心球：山竹造型上枱，食落外脆內軟，流心奶黃既咸香味好正。鮮蝦菜苗餃：外皮薄身，蝦肉爽彈，菜苗清新爽口。鮮肉小籠包：小籠包大大粒，肉質鮮嫩多汁。墨西哥叉燒餐包：外面甜甜地，入面既叉燒咸咸地。黑金流沙奶皇包：入面流心奶皇足料，一口咬落去軟綿綿，入口即溶化既感覺。香煎臘味蘿蔔糕：煎到外皮微焦，金黃色，食落外香脆可口，蘿蔔味突出。蜂巢芋角：外層超級脆，入面既芋蓉濃郁，仲加肉碎增加口感。杞子桂花糕：最後來個清甜桂花糕作結尾，食落煙韌彈牙，清甜可口。