影片
更多
2024-09-24
350 瀏覽
📌 盈苑海鮮酒家 - 土瓜灣馬頭角道33號欣榮商場1樓101號舖🗓(24/9) 星期二 ⏰ 晚上7點左右 💈特式：最近發現，原來係我地頭新開左間海鮮酒家，見今日又係咁大雨，都唔想去離屋企太遠嘅地方搵食，就梗係襯呢個機會去試下啦。🥩🍔🌭🌮🥗🥯🥘🍲🍝🍣🥟🍤🍱食物：酒樓新開張都推出不少孖寶/三寶/套餐等等優惠，價錢都幾吸引，等我同大家講下🫖味道先。🔥🐥炭香窯燒雞孖寶套餐 $2️⃣3️⃣8️⃣ - 呢個套餐包左原隻燒雞，再加指定8款小菜任選其1，隻雞本身散叫都要188蚊，而家加50蚊就有多個小菜認真抵食。炭香窯燒雞係即叫即燒，唔係預先燒定，所以一上枱非常熱辣辣，隻雞食落新鮮仲要好大隻，雞皮燒得香脆，肉質仲保留到嫩滑多汁。孖寶小菜就揀左盈苑小炒王，雖然係套餐，但份量一d都唔馬虎，而且火喉十足，蝦乾/魷魚等比較高價嘅食材份量都好多，一d都無揸流攤。🌶豉椒炒白貝 $8️⃣8️⃣ - 店員首推呢個期間晚飯推介，呢個價錢有咁嘅份量真係相當合格，白貝新鮮大隻又無沙，炒得有鑊氣，惹味十足，不過再辣少少就會仲好。🍊🐷陳皮一字骨 $1️⃣2️⃣8️⃣ - 呢個一字骨係有做先酥炸呢個步驟，整體幾出色，真係食到陳皮香味，調味適中又入到味，唔
🗓(24/9) 星期二 ⏰ 晚上7點左右
💈特式：最近發現，原來係我地頭新開左間海鮮酒家，見今日又係咁大雨，都唔想去離屋企太遠嘅地方搵食，就梗係襯呢個機會去試下啦。
🥩🍔🌭🌮🥗🥯🥘🍲🍝🍣🥟🍤🍱
食物：酒樓新開張都推出不少孖寶/三寶/套餐等等優惠，價錢都幾吸引，等我同大家講下🫖味道先。
🔥🐥炭香窯燒雞孖寶套餐 $2️⃣3️⃣8️⃣ - 呢個套餐包左原隻燒雞，再加指定8款小菜任選其1，隻雞本身散叫都要188蚊，而家加50蚊就有多個小菜認真抵食。
炭香窯燒雞係即叫即燒，唔係預先燒定，所以一上枱非常熱辣辣，隻雞食落新鮮仲要好大隻，雞皮燒得香脆，肉質仲保留到嫩滑多汁。
炭香窯燒雞
0 瀏覽
0 讚好
0 留言
炭香窯燒雞
0 瀏覽
0 讚好
0 留言
孖寶小菜就揀左盈苑小炒王，雖然係套餐，但份量一d都唔馬虎，而且火喉十足，蝦乾/魷魚等比較高價嘅食材份量都好多，一d都無揸流攤。
盈苑小炒王
0 瀏覽
0 讚好
0 留言
🌶豉椒炒白貝 $8️⃣8️⃣ - 店員首推呢個期間晚飯推介，呢個價錢有咁嘅份量真係相當合格，白貝新鮮大隻又無沙，炒得有鑊氣，惹味十足，不過再辣少少就會仲好。
豉椒炒白貝
$88
0 瀏覽
0 讚好
0 留言
🍊🐷陳皮一字骨 $1️⃣2️⃣8️⃣ - 呢個一字骨係有做先酥炸呢個步驟，整體幾出色，真係食到陳皮香味，調味適中又入到味，唔會外濃內淡。
陳皮一字骨
$128
0 瀏覽
0 讚好
0 留言
🥭🦐香芒脆蝦球 $1️⃣6️⃣8️⃣ - 呢個擺盤已經相當吸引，蝦球炸得香脆，而且好巨型，配以新鮮芒果/菠蘿，同埋沙律醬，清新可口。
香芒脆蝦球
$168
0 瀏覽
0 讚好
0 留言
🍵陳皮紅豆沙 - 酒樓最尾仲送上甜品陳皮紅豆沙，陳皮味幾香，紅豆夠淋綿，算係合格以上。
陳皮紅豆沙
0 瀏覽
0 讚好
0 留言
☕️🍵🥤🧋🍺🍷🥃🍹🧉🍾🍶🥛
飲品 : 酒樓茶種類普遍都係普洱/水仙/香片/鐵觀音等等，咁佢都有齊呢d最普遍嘅品種，茶香都係正常酒樓水平。
🍽環境：餐廳新開張無耐，所以地方非常新淨企理，燈光亦好充足光猛，環境都足夠闊落，近收銀處個海鮮缸都好乾淨，同擺左大量游水海鮮。
🤵🏻🤵🏻♀️🤵🏻♂️服務：部長同樓面服務都好好，唔會有參差情況出現，見佢地會好留意客人需唔需要加水/加茶/換碟等服務，見到客人叫左燒雞都會主動提供手套及鉸剪。
💰💸價錢：叫左一個套餐，再加三個小菜，份量足足夠四位食，計埋加一同茶先都只係$7️⃣0️⃣0️⃣左右，如果除返4個人份量嚟講都算抵食。
🐲💬總結：有時食得多日本菜/韓國菜/泰國菜/火鍋/燒肉，都會想去下酒樓食返下傳統茶樓中菜，呢間離我屋企又近，質素又唔錯，值得再幫襯。
推薦指數：❤️❤️❤️❤️❣️
張貼
