影片
更多
2023-06-07
64 瀏覽
📌 Gyutan Toku - 土瓜灣天光道44號天光大樓地舖🗓(7/6) 星期三 ⏰ 晚上7點左右 💈特式：話晒自己都係黃紅土人，又係牛舌愛好者，見土瓜灣區新開左間牛舌專門店，網上評價包括FB街坊群組都一致好評，咁我梗係要嚟試一試佢啦。🥩🍔🌭🌮🥗🥯🥘🍲🍝🍣🥟🍤🍱食物：餐廳除左主打牛舌，仲有其他日式定食，炸物/串燒/燒物/小食/沙律等等，而家等我同大家講下🐮👅味道先。極上牛舌定食 $178 - 呢個價錢係包正常份量嘅牛舌，當然仲可以加錢轉1.5倍甚至乎2倍牛舌份量。個定食set包左漬物/沙律/麵豉湯/茶碗蒸/白飯。漬物係青瓜拌海蜇，味道酸酸地，海蜇又爽口，幾開胃。沙律份量都幾多，配埋酸酸地嘅沙律醋，好清新可口，其他野就正常水準發揮。個牛舌就有5塊厚切，表面燒香，但中間仲係好粉嫩嘅粉紅色，食落爽口富有彈性，我就鐘意落少少檸檬再加埋wasabi一齊食，不過真係唔夠喉，下次我一定要叫倍先食得夠過引。豬肉生薑燒定食 $98 - 因為朋友唔食牛，所以就叫左豬肉生薑燒，對比起牛舌會較為多汁好送飯，我都試食左少少，味道唔錯，豬肉好大片，又淋又juicy。枝豆 $48 - 因為我叫左啤酒，
🗓(7/6) 星期三 ⏰ 晚上7點左右
💈特式：話晒自己都係黃紅土人，又係牛舌愛好者，見土瓜灣區新開左間牛舌專門店，網上評價包括FB街坊群組都一致好評，咁我梗係要嚟試一試佢啦。
🥩🍔🌭🌮🥗🥯🥘🍲🍝🍣🥟🍤🍱
食物：餐廳除左主打牛舌，仲有其他日式定食，炸物/串燒/燒物/小食/沙律等等，而家等我同大家講下🐮👅味道先。
極上牛舌定食 $178 - 呢個價錢係包正常份量嘅牛舌，當然仲可以加錢轉1.5倍甚至乎2倍牛舌份量。
個定食set包左漬物/沙律/麵豉湯/茶碗蒸/白飯。
漬物係青瓜拌海蜇，味道酸酸地，海蜇又爽口，幾開胃。
沙律份量都幾多，配埋酸酸地嘅沙律醋，好清新可口，其他野就正常水準發揮。
個牛舌就有5塊厚切，表面燒香，但中間仲係好粉嫩嘅粉紅色，食落爽口富有彈性，我就鐘意落少少檸檬再加埋wasabi一齊食，不過真係唔夠喉，下次我一定要叫倍先食得夠過引。
豬肉生薑燒定食 $98 - 因為朋友唔食牛，所以就叫左豬肉生薑燒，對比起牛舌會較為多汁好送飯，我都試食左少少，味道唔錯，豬肉好大片，又淋又juicy。
枝豆 $48 - 因為我叫左啤酒，所以就叫左個小食枝豆嚟下酒，佢地個枝豆有加左少少鹽去整，食落少少咸，多多脆。
☕️🍵🥤🧋🍺🍷🥃🍹🧉🍾🍶🥛
飲品 : 飲品方面就有幾款清酒，仲有梅酒/Highball/生啤，唔飲酒嘅朋友就可以揀汽水或者烏龍茶/綠茶。我地就叫左一杯Sapporo生啤同一支津路烏龍茶。
🍽環境：餐廳面積唔算大，但睇得出裝修上好用心，枱櫈就用上木系風格，裝飾就偏向日系風格，最搶眼球應該就係佢地有個大月球裝飾，另外因為間店新開無耐，所以都好乾淨整潔。
🤵🏻🤵🏻♀️🤵🏻♂️服務：店員服務幾好，雖然得一個妹妹做樓面工作，但佢做野快手快腳，完全無踢晒腳嘅感覺，上菜速度就一般，不過慢工出細貨。
💰💸價錢：叫左兩客定食，一個小食，一杯啤酒同一個飲品，埋單就大約$400，呢個價錢都算合理範圍之內。
🐲💬總結：我本身係好鐘意食牛舌嘅人，佢呢度味道同質素都相當唔錯，價錢亦都算合理，而且餐廳環境都坐得舒服，地點又近我，我諗會長期幫襯。
推薦指數：❤️❤️❤️❤️🤍
極上牛舌定食
$178
3 瀏覽
0 讚好
0 留言
極上牛舌定食
$178
2 瀏覽
0 讚好
0 留言
豬肉生薑燒定食
$98
4 瀏覽
0 讚好
0 留言
枝豆
$48
8 瀏覽
0 讚好
0 留言
張貼
