Forkers (已搬遷) 新店位置

放工約左朋友係土瓜灣買野，完左決定試下呢間隱世西餐私房菜。門口寫住$298起，起初望落有少少貴，不過睇真啲原來有成4 個course 咁多，尚算抵食。首先黎個頭盤，西班牙黑毛豬拼盤 加左錢要36 月o既豬，味道完全唔鹹，可能佢用橡果飼養，食落有少少橡果味，好清甜。黑毛豬臘肉腸炒虎蝦，份量相當足夠，有成十四隻咁多。之後是北海道帶子， 帶子非常清甜，仲好大隻，仲配左茴香菜，味道同個帶子好夾。套餐配左任食薯條同沙律，不過無食主菜已經好飽，食唔曬。主菜我地揀左牛肩同棕毛豬肩，先講講個牛肩，食落好有牛味，不過店員一早講明選這個會無肉眼咁淋。豬肩很嫩滑，煮得剛剛好熟。呢個價錢食到咁高質的西餐，完全超值！加上店員每道菜都非常細心講解，有講有笑，唔會覺得佢介紹菜式時影響客人進食，還傾得十分開心。