影片
更多
2024-01-09
35 瀏覽
HeySoNuts今次介紹土瓜灣一間高質Cafe，佢哋柔合精品咖啡、西餐餐飲及新派法式甜品於一身，以傳統烹調技巧注入創新元素，主菜同甜品都有驚喜，大家如果經開土瓜灣不妨入去試下啦！輪椅人士都方便入去呢間Cafe，呢間cafe整咗斜路，完全啱哂我哋入去食。Cafe裝修簡單舒服， 好鍾意佢哋吊燈附近用植物圍住，仲有牆上放咗少少小朋友嘅畫作，下午時間都幾多人嚟食，包括有返工人士同學生等！1.手打西冷牛肉原隻大磨菇漢堡配薯條$156（10/10）呢個漢堡非常大份，配菜又多，包括有手打西冷牛肉、原隻大蘑菇、芝士、生菜同千島醬，食起上嚟都要諗諗辦法，最後要分幾層食， 手打西冷牛肉 牛味好重，大蘑菇彈牙好有菇味，漢堡個包皮好脆，脆到好似食緊薯片咁，店員話個漢堡包係拎入去焗爐焗咗一陣先會咁脆，整體嚟講呢個漢堡包 超好食，再配埋粗長脆身薯條，簡直一流！2.自家製喇沙汁海鮮扁意粉 $138（8.5/10）呢碟扁意粉海鮮超足料，扁意粉彈牙，如果可以淋多少少就更好，佢哋加入自家製喇沙汁，喇沙汁如果濃味多少少會更好，其他仲有包括有4隻蝦仁、3隻蜆、秋葵、5舊墨魚同洋蔥等，份量超多，足夠兩個人食！3.開心果茉莉花
今次介紹土瓜灣一間高質Cafe，佢哋柔合精品咖啡、西餐餐飲及新派法式甜品於一身，以傳統烹調技巧注入創新元素，主菜同甜品都有驚喜，大家如果經開土瓜灣不妨入去試下啦！
輪椅人士都方便入去呢間Cafe，呢間cafe整咗斜路，完全啱哂我哋入去食。Cafe裝修簡單舒服， 好鍾意佢哋吊燈附近用植物圍住，仲有牆上放咗少少小朋友嘅畫作，下午時間都幾多人嚟食，包括有返工人士同學生等！
1.手打西冷牛肉原隻大磨菇漢堡配薯條$156（10/10）
呢個漢堡非常大份，配菜又多，包括有手打西冷牛肉、原隻大蘑菇、芝士、生菜同千島醬，食起上嚟都要諗諗辦法，最後要分幾層食， 手打西冷牛肉 牛味好重，大蘑菇彈牙好有菇味，漢堡個包皮好脆，脆到好似食緊薯片咁，店員話個漢堡包係拎入去焗爐焗咗一陣先會咁脆，整體嚟講呢個漢堡包 超好食，再配埋粗長脆身薯條，簡直一流！
2.自家製喇沙汁海鮮扁意粉 $138（8.5/10）
呢碟扁意粉海鮮超足料，扁意粉彈牙，如果可以淋多少少就更好，佢哋加入自家製喇沙汁，喇沙汁如果濃味多少少會更好，其他仲有包括有4隻蝦仁、3隻蜆、秋葵、5舊墨魚同洋蔥等，份量超多，足夠兩個人食！
3.開心果茉莉花醬日式梳乎厘鬆餅$104（10/10）
最吸引我就係呢個梳乎厘鬆餅，呢個開心果茉莉花醬係新出，梳乎厘蛋味好出，開心果味好香濃，仲有好多一粒粒開心果咬下，食到底仲會見到茉莉花瓣，不過茉莉花味唔係好出，旁邊仲放咗八粒半個嘅士多啤梨，整體呢個梳乎厘我非常鍾意食，簡直係必食之選！
4.Cappuccino泡沫鮮奶咖啡$42（9/10）
呢杯Cappuccino咖啡好香濃，又滑，好飲！
5.Mocaccion朱古力鮮奶咖啡$22（下午茶叫甜品有半價優惠）（10/10）
呢杯Mocaccion朱古力同咖啡都好香濃，仲有淡淡奶味，埋單時先知有半價，勁抵飲！
**熱美式咖啡或熱伯爵紅茶或果汁（轉其他飲品一律半價，精品咖啡及特飲系列除外）**
2人總共價錢$508，有加一服務費！
個人口味總評分：9.5/10
@heysonuts
地址：土瓜灣北帝街147號地下3號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#HeySoNuts #土瓜灣 #土瓜灣好去處 #土瓜灣 美食 #cafe #宋皇臺站 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
