影片
更多
2018-12-23
839 瀏覽
仲有幾日就到聖誕節，酒店集中地尖沙咀，自然成了兵家必爭的日子，各大酒店都以自助餐作主力，也是，食物選擇多，氣氛熱鬧，講起又想去食。 金域假日酒店的 Bistro on the Mile 佔盡地利，出入方便，難得食物又啱太太同自己，所以亦是太太的閏蜜聚會的地點之一。仲有幾日就聖誕，正日另有聚會，唯有跟朋友提早慶祝。想不到在12月初的日子，都竟然全場爆滿，可見懂門路的客人不少。 生蠔雖然只有美國生蠔，但並非大而無當的質素，蠔味不俗，又是即開貨色。海鮮 波士頓龍蝦質素有進步，比起之前肉質更爽彈，好味。 龍蝦鉗啖啖肉，又係任食；仲有長腳蟹腳、凍蝦及藍青口，海鮮陣容絕不失禮。刺身 帶子肉質嫩滑、甜蝦入口甜美、仿鮑魚片柔韌有彈性，加上三文魚、吞拿魚、八爪魚及鯛魚，但個人始終喜歡帶子肉。湯 燉花膠響螺湯Bistro on the Mile的燉湯多年來都有水準，每位客人都會有一盅，可要好好享受啊！ 雪耳木瓜雞腳豬肉湯另一款中湯同樣火喉足，濃香的味道真有家庭湯水感覺。白菌磨菇忌廉湯質感香滑，蘑菇的香味四溢，下點黑胡椒就更芳香。熱葷 北京填鴨乳豬沒有了，填鴨更受歡迎，鴨皮香
金域假日酒店的 Bistro on the Mile 佔盡地利，出入方便，難得食物又啱太太同自己，所以亦是太太的閏蜜聚會的地點之一。
仲有幾日就聖誕，正日另有聚會，唯有跟朋友提早慶祝。
想不到在12月初的日子，都竟然全場爆滿，可見懂門路的客人不少。
生蠔雖然只有美國生蠔，但並非大而無當的質素，蠔味不俗，又是即開貨色。
海鮮
波士頓龍蝦質素有進步，比起之前肉質更爽彈，好味。
龍蝦鉗啖啖肉，又係任食；仲有長腳蟹腳、凍蝦及藍青口，海鮮陣容絕不失禮。
刺身
帶子肉質嫩滑、甜蝦入口甜美、仿鮑魚片柔韌有彈性，加上三文魚、吞拿魚、八爪魚及鯛魚，但個人始終喜歡帶子肉。
湯
燉花膠響螺湯
Bistro on the Mile的燉湯多年來都有水準，每位客人都會有一盅，可要好好享受啊！
雪耳木瓜雞腳豬肉湯
另一款中湯同樣火喉足，濃香的味道真有家庭湯水感覺。
白菌磨菇忌廉湯
質感香滑，蘑菇的香味四溢，下點黑胡椒就更芳香。
熱葷
北京填鴨
乳豬沒有了，填鴨更受歡迎，鴨皮香脆可口，這個改動真好。
羊腩煲
近日夠凍，除了打邊爐，莫過於食羊腩煲，羊肉扣得軟稔入味，蘸點一下腐乳去羶味，超正。
蒜茸粉絲蒸扇貝
雖然好普通，但每次都會食，今次蒸得啱啱好。
其他熱葷都好適合中國人口味，尤其是西蘭花炒蝦仁、臘味糯米荷葉飯及薑蔥炒龍蝦鉗，都是值得一試的。
其他既有照燒魷魚筒、紅酒燴牛尾、咖哩羊、咖哩雜菜、印度烤雞及帶子三文魚黑松露扁意粉。
Carving Station有烤羊扒配薄荷啫喱、燒羊鞍、即切燒西冷扒及燒豬脾，食肉獸朋友應該會收貨。
冷盤選擇幾多，辣辣地幾開胃既香辣牛油果帶子杯、口感清新既小龍蝦蟹肉咯嗲及泰式柚子蝦蟹肉沙律；芳香誘人既菠蘿帶子沙律，都是值得一試。
加上鮮蝦配香草蛋黃醬、雞肉蘑菇、煙青口蜜糖芥末汁、鮮蝦八爪魚沙律、龍蝦茴香沙律、蒜泥白肉、煙鴨胸配金巴利醬、西班牙腸及煙三文魚，陣容幾強。
甜品
最新推出Häagen-Dazs炒雪糕，好食又好玩，記憶所及，香港好似無乜地方有供應，大家一定要試下。
另外又有少見又好味既Tiramisu Mochi雪糕及Cream Cheese Mochi雪糕，仲要係杯上，夠衛生 。
當然少不了雲呢拿雪糕及朱古力雪糕。
至於甜品，有綠茶奶凍、 熱情果啫喱、草莓忌廉青蘋果蛋糕、芒果意大利芝士蛋糕、芒果西米、法式焗忌廉撻、紅桑子朱古力慕絲、甘筍蛋糕、杜絲士多啤梨蛋糕、歌劇院、日式芝士蛋糕、 椰汁桂花糕、朱古力班尼士、朱古力泡芙、泡仁酥條、朱古力貝殼、紅豆沙、豆腐花、麵包布甸及葡撻，雖然每件都好小巧，但基本上無可能試得晒。
P.S : 以下是聖誕節期間加推的美食
Facebook 專頁 : Holiday Inn Golden Mile
張貼
