Pomme (已結業)

因為要同朋友傾去台灣既行程，所以搵地方可以坐得舒服又有wifi就最好啦！行到呢間好精美既門面，我哋心郁郁企左係道。如果女人睇到珠寶首飾對眼會發光，咁我睇到精緻甜點美食會bling bling 眼🤣我哋入到去見到有衫買，覺得幾得意。坐底左望個menu 都幾多選擇，我同朋友想食 waffles ，叫左佢既tea set 包一杯野飲。當我正思考飲乜野好之時，職員highly recommend 佢地自家制既apple tea。本身我以爲係乾蘋果或者blending tea ，但一黎到係糊狀既咖啡色湯品，附送一塊餅的。當我飲第一啖，感覺好特別，唔太甜但有啲玉桂既味道，每一啖都有蘋果蓉同蘋果粒既融入，值得一試👍🏼主角waffle 係脆卜卜帶少少內軟，都唔錯😃如果唔係配蜜糖同cream 可能會更好味👍🏼而朋友最愛檸檬撻，我食左幾啖，有香香既檸檬味，好清新。佢不斷講好味、好味之下，無意間已消滅左它了😂😂佢話好好味啲😂