泰 (已搬遷) 新店位置

今晚去開深水埗，做定search睇下有咩好野食，兩公婆都幾鍾意食泰國野，就揀喱間11個笑既鋪頭試下．離長沙灣MTR有ｄ遠，鋪頭內沒有枱橩，同佢講幾多位，就會安排你去後巷，或者係轉角彎既地方，人地鋪頭出面既位置．開摺枱，膠櫈，大家都好自律，自行去鋪頭度order野食，俾錢．見到ｄ咖哩汁，燒側魚，蝦sashimi，都食指大動喇，不過多人去食先好．１．小食拼盤：蝦餅幾彈牙，魚餅不過不失．２．泰式金邊粉：我既至愛菜式，好味道．３．冬陰公湯：熱騰騰時飲落口，嘩！好辣啊．酸辣度都可接受，但喱種味道既冬陰公係第一次飲到．係唔係正宗既煮法呢？抑或是香港飲開既係按番港人既口味而定呢？咁就不得而知喇！