泰 (已搬遷) 新店位置

話說近年搬到附近~ 都好鍾意去呢度食野~覺得又好味又抵食~沉晚再去, 非常之失望~話說七點幾去到, 預左要等位...都知道越尼越多人~ 等左差唔多二十分鐘...終於都有位~叫左次次都會食0既生蝦刺身, 柚子沙律, 咖哩炒大蜆同蒜茸包 加兩杯青檸梳打柚子沙律都係平時咁好味, 只係份量好似少左~生蝦刺身份量不變, 但好明顯差左...笠口0既...一D都唔爽~~ 咖哩炒大蜆 :咖哩無乜味道 (竟然?!)...大蜆仲有沙~ 好失望~食晒咁滯都未等到個蒜茸包~ 阿姐話整唔切喎~~再等...終於都尼~~但個包根本都唔熱...仲青青地色~好怪~兩杯野飲仲唔使講...得一片仔青檸...仲要無冰0既...一D都唔凍~ 唉...超級勁失望~~ 果然當一時鋪頭出左名多左人去之後...水準真係keep 唔到~ 仲要加價tim....唉....

相信有人同樣有此問題到底 Tum Yum Thai 怎樣讀呢？好像是 "冬陰泰" 。入番正題先，今次與朋友三人行，並不是點得太多菜，分別有﹕泰式生蝦刺身，生菜包(豬肉)，泰式燒側魚，馬拉盞炒通菜，泰式炒金邊粉及"泰式燒大硯"(這個老闆推介好像在餐牌上是沒有的。) 由於我也不知道是什麼時候開始的迷信，中國人不要"食七咁食"，所以如要再點菜必需多點兩款，但已經差不多飽了，所以沒有再加。以下是每項菜分別的食評﹕泰式生蝦刺身﹕很大碟，有十四隻，很新鮮彈牙也不會因為泰式汁導致覆蓋了蝦的味道。生菜包(豬肉)﹕我之前吃過的生菜包生菜包豬肉會有點辣味或過多鹽"喊"味，但這個豬肉沒有辣味或過多鹽味反而有種泰式的酸甜，第一次嘗到，好吃﹗泰式燒側魚﹕本來意為魚皮也可吃，但原來魚皮已被燒得很硬和"喊"最好不要吃，但打開魚皮後，魚肉的香味(及可見的香煙)不用點泰式汁已經可嘗到燒魚本身的味道，個人建議先來一個原味，再來個泰汁比較一下自己喜愛那種味道。泰式燒大硯﹕大硯也是與魚一樣，可先嘗原味與點泰汁比較一下，很新鮮，在吃的同時把硯殼上的硯汁同一時間放進口腔，感覺很捧呢﹗﹗﹗以下兩款菜色反而平平無奇的馬拉盞炒通菜和泰

今日同朋友幫襯, 等左1 個小時20分鐘才有位, 不過都係無揀錯 。 我們二人選了 四樣餸: 串燒雞肉及牛肉 (豬肉無晒 ), 泰式燒蜆 (8大隻), 燒鰂魚(大大條), 蝦醬炒通菜 。其中串燒雞肉夠嫩滑入味, 牛肉就 ok, 有一條比較韌, 沙爹汁接受 。蜆分炒及燒, 我們鐘意原味燒, 帶有海水味及鮮甜, 無沙,。燒鰂魚- 好大條, 連鱗鹽燒, 去皮後裡好鮮甜內有香草配合, 絶無泥味。通菜 -- 油頗多, 味道唔係好適合我們, 但好多人叫 。老闆用電爐燒魚, 一轉燒蜆, 絶無停手 。現在只能在街邊食, 絶無入座, 食客同等客都很多, 等耐點都抵 ~ 食好嘢嘛 ! 5月底要搬啦, 搬去附近創x銀行對面, 地方應該會大一點 , 價錢自然會加, 實在太便宜, 外賣都做唔停 。份量都好大碟, 下次要揾多幾個朋友食飯先至得 。

如果大家未去過呢間野, 對個度又唔熟路既話, 要去就記住print張map出黎喇.....如果唔係出左MTR實有排兜....由MTR行去個度around 5-8mins 呢間野真係好多人, weekday去都要等十幾張檯, 不過都唔算等好耐, 等around 30-45mins.....佢個舖位好細, 好似一間珍珠奶茶舖咁既size, 所以舖面係冇位比人食野, 佢將d位擺晒係隔離左右關左既舖既門口, d位擺到"U Turn"埋添~我地2個人食左4個餸, 埋單$180...上菜速度慢左d, 差唔多食完一碟, 另一碟先上到...員工都幾好禮貌, 唔會話忙得濟, 有人嗌都唔理人 or 黑晒口面~泰式生蝦 ~ $48/17隻...超抵食, 個汁香濃又夠辣, 可惜生蝦唔新鮮又唔彈牙, 佢又冇用冰鋪底, 入口冇左冰凍既感覺~泰式生菜包 ~ $40....好多肉好多生菜, 食完都飽左5成, 可惜肉炒得唔夠香, 生菜又唔新鮮爽口~炸蝦餅 ~ $40...又係好大既一碟, 炸得好香口, 蝦膠重料又打得好均勻, 可惜d油用得太多日, 炸到d蝦餅黑卒卒~青咖喱豬 ~ $40....附送一碗白飯, 咖喱有椰香

話說呢間野見過幾次, 次次都爆晒場咁, 仲有有人排隊, 咁就無得唔試啦, 難得一家四口齊人又無煮飯, 今日我請客!! 7點鍾去到已經有人排隊, 有部份鋪頭未關門, 所以未開到台比我地, 不過唔緊要, 打好野既話, 等係有價值.約15分鐘後就有位, 服務態度唔多講, 路邊鋪就唔重要, 不過都算唔錯.叫菜先, 上菜速度明顯地較慢, 鬼叫佢鋪頭細細咁多人食咩~~冬陰公 - 好似我唔食得辣既真係幾陰公, 不過我家人就話唔辣.飛天通菜- 都唔錯!! 小食拼盤- 有炸魚餅, 炸蝦餅, 春卷, 春卷真係脆, 大酒樓級數, 蝦餅就油左小小, 但係都係推介生蝦 - $48 有成18隻, 有鮮味, 加上人多黎食一定有返咁上下新鮮, 必食青咖哩(豬肉) - 跟一個白飯, 送飯一流流流!! 豬頸肉 - 唔夠肥, 不過不失, 唔洗特登叫, 但係係最早賣晒, 唔知係我果碟定我個口味唔岩生菜包- 唔錯泰色炒飯 - 乾身, 好味, 不過太飽仲可以打包 4個人8碟送同一支可樂都係$310呢間野唔好睇佢細細間仲要坐街邊, 食野最緊要係抵食,好味, 深水步長沙灣最高quality 既泰國野, 香港內既都算高水準, 街坊必食

在長沙灣一帶打滾了廿多年，知道這家小店既存在，亦聽聞食物水準是不錯的，卻總提不起勁去試。是晚跟嗜辣的食友吃飯，對方提議「茂」街邊食泰國嘢，我麻甩佬一名當然樂意奉陪，你估著西裝就一定係斯文咩！別看少這小小的店子，入夜後摺檯由順寧道一直擺到去營盤街街尾，場面挺壯觀的。還好營盤街那邊沒有太多車，才不致沙塵滾滾。泰式生蝦刺身是的和食友來之前已定了要吃的一味，這裡的生蝦刺身是一隻隻捲起，大大話話都有十隻以上，可見店方十分慷慨，而生蝦上是鋪滿了蒜茸、辣椒和芫茜的。吃一口，味道是酸辣兼備，而又不會掩蓋了蝦的鮮甜，是相當的有水準。也點了一客小食拼盤，係蝦餅拼魚餅。前者炸得香脆，咬落彈牙，充滿蝦肉的鮮味，點上醬汁，人間極品；魚餅亦香口，不會過份乾身，其實都不差，之但係珠玉在前，這個難免給比下去。還有串燒，豬、牛、雞各有兩串，配以沙爹汁。三款之中，以雞肉最為美味，肉質嫩滑，不會燒得乾柴柴；而牛和豬則只是不過不失。那個沙爹汁，稀稀的，個人認為不點會更好。吃泰國嘢，無理由不叫冬蔭公。可是，這個出品不夠辛辣，只有蕃茄的酸味，感覺有如在喝蕃茄湯。還好的是，裡頭的蝦肉爽甜，磨菇也不差，才不致太低分。後加一味炒蜆，端

呢間真係好抵食又好味!!! 炸蝦餅: 蝦肉彈牙爽口.熱辣辣...非常香口!冬陰公: 開頭飲一般.但越飲越好味.酸辣齊備..入面隻蝦又係彈牙爽口... 飛天通菜: 淡返少少會好 d ...蝦剌身: 足有 18 隻...食到鮮味.真係必食!! 係d汁搶左少少..點dd就可以了..炒金邊粉: 等左好耐 .. 炒得好乾身.一d 唔油.又係食唔停2 人食到超飽都唔洗$2OO ...下次再見試下烤魚 !!

大約七點半左右 ; 已經需要等位 . 等了大約十數分鐘就有位了 .註明 : 對環境有要求者 勿進 !! . 因此店只是在街邊開張摺枱 . 幾張膠凳 . 燈火也不通明 。泰式生蝦刺身沙律(４8元) : 平靚正 . 必叫 . 香味一流 ! . 酸辣很重 . 很開胃的前菜 . 吃膩了日本刺身 . 這泰式生蝦刺身沙律是新鮮的選擇。香茅雞翼(８元1隻) : 用雞全翼 . 抵食 . 但味道不算出眾 . 香味也一般 。冬陰公(３0元 細 ; ３8元 中 ) 細碗已夠兩人分享 . 色香味俱全 . 比很多泰國餐廳做得出色 . 30元的湯裡有10隻蝦 .. 燒鰂魚(價錢忘了 ６0元有找) : 味道一般 . 無特別 。海鮮炒飯 ( 也是忘了 ) : 炒飯粒粒分別 . 味道適中 . 配料份量算多 . 只是有點太油了。埋單200元有找 . 挺著肚子離去 . 那份滿足感 . 一定會再回去吃

今天晚上和老公小孩一起幫襯這家泰料理剛看到是有點驚訝因為是現場當場開台擺桌擺椅就在人行道邊點最著名的生蝦刺身 : 好吃彈牙 相當新鮮冬蔭功湯: 道地但有點酸蝦餅 : 好吃 蝦膠打得相當緊實 不油膩飛天通菜 : 少許蝦醬味 有點小辣烤徹邊魚 : 烤得外脆內嫩 不失為每個吃過的人必推薦的好菜之一一餐吃完相當撐 最重要的事 相當抵食 值得一去

今晚去開深水埗，做定search睇下有咩好野食，兩公婆都幾鍾意食泰國野，就揀喱間11個笑既鋪頭試下．離長沙灣MTR有ｄ遠，鋪頭內沒有枱橩，同佢講幾多位，就會安排你去後巷，或者係轉角彎既地方，人地鋪頭出面既位置．開摺枱，膠櫈，大家都好自律，自行去鋪頭度order野食，俾錢．見到ｄ咖哩汁，燒側魚，蝦sashimi，都食指大動喇，不過多人去食先好．１．小食拼盤：蝦餅幾彈牙，魚餅不過不失．２．泰式金邊粉：我既至愛菜式，好味道．３．冬陰公湯：熱騰騰時飲落口，嘩！好辣啊．酸辣度都可接受，但喱種味道既冬陰公係第一次飲到．係唔係正宗既煮法呢？抑或是香港飲開既係按番港人既口味而定呢？咁就不得而知喇！

由深水埗地鐵站行過去要成15分鐘, 唔熟深水埗都唔識去, "泰"不在大街, 就在華潤超市則的對面, 一間唔起眼的舖頭仔, 整個舖位是廚房, 去到要開桌坐街邊的, 我唔覺得dirty, 但燈光就不足, 然而去得呢d地方就預左, 所以對環境係無要求.好喇, 開始講食物:冬蔭公(中)$38 : 夠4人份量, 愛吃酸的人實鍾意, 我就嫌酸了點, 辣味適中, 材料都夠.蝦餅 (六個圈) $40: 舊式的形狀, 很令人懷念, 本人對蝦餅沒太大喜好, 所以沒什麼要求, 不過是好吃的.生蝦 $48:我地數過有15隻, 雖則是細草蝦, 但一向食生蝦都貴, 所以都覺得抵, 都鮮甜的, 反而我覺得d汁唔夠好味, 但咁既價錢真係食得過!菠蘿炒飯 $40:我覺得一般, 但夠大碟.紅咖哩牛 $30:略細碗, 會送白飯的, 老爺話好食, 我就覺得d牛"拿"到無肉味, d咖哩唔夠辣.燒烏頭 $55:燒左成半個小時有多, 燒得夠乾身, 魚皮是沾滿香料, 唔知係咪時間唔夠, d香料浸唔到魚肉度, 由於條魚好多魚鱗兼燒得幾燶下, 所以食唔到塊魚皮, 不過齋點酸汁都好好味.串燒 (半打) $33:牛肉好味過豬肉飛天通菜 $3

自從上次到訪此「泰」後，男友就愛上到這兒開飯；因為一來抵食、二來夠近、三來實在太方便泊車；所以才一星期，又故地重遊了！既是第二次來，就叫點不一樣的；除了我們都很喜歡的生蝦，還是忍不住要了一份。叫好餸，等。不一會，店員送上四隻生蝦，謂曰：「生蝦售罄了，只餘四隻，就送你們吃啦！」喔!! 就這樣誤打誤撞，免費吃到了新鮮爽脆生蝦，令人又驚又喜，店家的慷慨和豪情也令人折服萬分！既然吃了免費生蝦，也就禮尚往來，多要一客木瓜沙律；我嫌這兒的木瓜沙律不夠酸，不過仍算清爽，而且當中的花生粒，加上微辣感，令整盤沙律變得香口，怕酸的男友竟難得地對這木瓜沙律讚好！生菜包 的肉碎裏香料下得很足，味道很香又富肉汁；我是愛死裏面的檸檬草了！那香味和豬肉非常合拍，別處沒吃過如此多檸檬草，味道又如此美妙的生菜包！炸蝦餅一客有十件，份量不少；剛炸起是趁熱咬下，還有些爆汁感；那蝦膠非常新鮮，沒有下過多的調味，清甜之鮮味表露無遺。猶記得上次的燒鰂魚只屬一般，今次就要個燒雞翼；這次燒得不錯，雞翼皮脆肉嫩，可惜這雞翼始終不是出自新鮮雞，雞味薄而沒有甚麼調味的情況下，味道也較寡較淡。在附近七仔買了兩罐特價啤喝；飲飽食醉，肚皮都快撐

有人突然大象上身想吃泰菜，記得食友推介過這家泰菜店，下班後就來一試！抵達"泰"時，已約十點。吡鄰的洗衣店, 雜貨店...等等, 已經打样，而剛好泰就可以展其街上王國 - 一張張的槢枱膠椅，席地而放。客人非但沒有減少，反而愈來愈多。事不宜遲，叫店員幫手開張二人枱，快快手點食物。生蝦 - 才索價$48, 但大大碟竟有十多隻，而且每隻皆非常爽脆，不過鮮甜度較一般，主力還是靠那個生蝦辣汁！冬蔭功 (小, $30) - 夠酸夠辣也夠鮮甜，於仲夏晚間的街邊喝上這辣度的冬蔭功，背部立時濕了一大片！不過真的很鮮甜，香料足，蝦味也有，連帶作料的蝦也夠爽口，我倒不介意為這碗冬蔭功出一身汗！猶幸在對面的士多買了一大支藍妹 ($18), 即時喝兩口解解暑！飛天通菜 ($30) 鑊氣夠，炒得通菜葉嫩又夠香。燒鰂魚 ($55) 許是因為人客太多，這燒鰂魚也教我等了半個多小時。魚肉香料不及其他泰店的多，不過魚的鮮味卻也更突出，本屬不錯。可惜烤得不夠火候，魚肉太濕而欠缺烤魚應有之香 - 只在烤得較乾的一面，近魚皮部分吃到一點；吃過整晚不俗水準的菜餚後，嘗到這條水準欠佳的鰂魚，令人有點失望，希望這只是因為太多單而致偶

上星期六晚上十一點半路過此店, 大排檔格局, 聞到串燒的香味, 令我有想食宵夜的衝動。 尤其是對一個已對食宵夜絕緣良久的人, 簡直是一個罪過。 但最估不到的是"泰"不做我的生意, 因為所有食物已沽清了。 才十一點多竟然有此情況發生, 令我對此店有更深刻的印象......誓要食一次!!今日與某君兩人專程到此店, 看看菜牌, 裡面的種類不算多, 但基本的都齊。點了生蝦刺身, 串燒(只有牛因其他的未能來得切溶雪), 一個泰式炒金邊粉, 黃咖喱雞(四款)再加一罐忌廉(HK$6.00)。 一邊等起菜, 一邊發現越來越多人來, 而且還要排隊, 簡直是奇景....首先, 生蝦刺生(HK$48.00)到位, 一看比平常其他的大碟, 蝦肉爽加彈牙, 醃汁的味道剛好, 再數一數有15隻蝦呀~~ 其他的最多一碟只有7-8隻, 人家賣緊HK$60.00以上。 感覺有如找到了寶藏一樣, 哈了數聲。 跟隨來的是泰式炒金邊粉(HK$30.00), 比九龍城的名店更好食, 但如果有調味架供應就更好了。食到半場時間, 串燒(3串HK$18.00)來到的時間, 見到牛肉"漆黑一片", 心想可能不妙。其實吃過很多間泰菜館

2個人8點幾來到..其實佢唔夠人..所以都要自己搬台,搵位..不過當佢埋泥落單既時候都幾好招呼主動問我地要唔要佢地既招牌菜:燒側魚(因為呢樣最耐所以要早D落單)上菜真係慢左少少...我地要左泰式燒鰂魚$55、泰式蝦刺身$48, 蝦醬炒飯$30先去附報紙檔買左2罐啤酒生蝦最早到,嘩!真係唔錯呀!開頭見佢48蚊真係無咩期望!!竟然有成17隻!!!不過佢就將D青檸汁淋晒係面既.不過我地都覺得好好食呀!好甜好新鮮!!!第2正就係側魚呀!燒得岩岩好,D魚唔腥右唔會燒到太乾!!!55蚊真係台台都有點呢味呀!蝦醬炒飯$30好一般啦.有D肉鬆,蛋絲係面.不過側魚同刺身實在太正,呢樣相對來說就顯得普通一點.唯一一點唔好就係上菜真係慢左少少...所以最好就係買定啤酒飲,慢慢等.