影片
更多
2014-05-19
932 瀏覽
今時今日要在銅鑼灣區找到間車仔麵真的不容易，基於租金物價等因素下，想找到間有誠意些的更是發夢。。。日前睇完<食神> 剛好見某雜誌介紹這裡，就馬上想來試試地點: 屬於後街，但算方便，就在一蘭拉麵左右。環境: 以白色為主，乾淨"企"理，光猛，地方算寬敞，收銀同半開放式廚房帶點懷舊氣色，有型格燈色配襯，附合一間簡潔且特色車仔麵的風格，不是街坊式，睇得出有用心經營。终於到食物: 本人叫了一個最基本的組合，清湯底、粗麵、瑞士雞翼、咖哩魚旦、牛腩、白蘿蔔。牛腩好味，香滑入味 。雞翼正常，不會太淋或太乾，不過唔係好瑞士，不如唔好刻意話係瑞士仲好。咖哩魚旦的咖哩就幾好，可惜魚旦真係無咩魚味。白蘿蔔GOOD，無渣，清甜。友人叫了他們的招牌推介之一"使鬼旦"車仔麵 (適合有選擇障礙或心多的人) " 當中包括麻辣湯底(可選大、中、小辣) ，粗麵、魷魚、豬皮、牛腩、椰菜。跟餐送飲品1款: 自家菊花茶、薏米水、酸梅湯。魷魚、豬皮都唔錯，爽脆。 椰菜都新鮮，不會煮到有淋有黃，剛剛好。當中最要講一講是聽聞是自家RECIPE與本地面廠每日鮮製的麵條，假設粗麵不是行貨，(事實上以觀察所得，粗麵麵條似是自
日前睇完<食神> 剛好見某雜誌介紹這裡，就馬上想來試試
地點: 屬於後街，但算方便，就在一蘭拉麵左右。
環境: 以白色為主，乾淨"企"理，光猛，地方算寬敞，收銀同半開放式廚房帶點懷舊氣色，有型格燈色配襯，附合一間簡潔且特色車仔麵的風格，不是街坊式，睇得出有用心經營。
终於到食物: 本人叫了一個最基本的組合，清湯底、粗麵、瑞士雞翼、咖哩魚旦、牛腩、白蘿蔔。牛腩好味，香滑入味 。雞翼正常，不會太淋或太乾，不過唔係好瑞士，不如唔好刻意話係瑞士仲好。咖哩魚旦的咖哩就幾好，可惜魚旦真係無咩魚味。白蘿蔔GOOD，無渣，清甜。
友人叫了他們的招牌推介之一"使鬼旦"車仔麵 (適合有選擇障礙或心多的人) " 當中包括麻辣湯底(可選大、中、小辣) ，粗麵、魷魚、豬皮、牛腩、椰菜。跟餐送飲品1款: 自家菊花茶、薏米水、酸梅湯。魷魚、豬皮都唔錯，爽脆。 椰菜都新鮮，不會煮到有淋有黃，剛剛好。當中最要講一講是聽聞是自家RECIPE與本地面廠每日鮮製的麵條，假設粗麵不是行貨，(事實上以觀察所得，粗麵麵條似是自家製) ，可惜不知那方便的偏差，我估計是煮的時間未夠所致，粗麵好像沒有煮透，有點過硬，缺乏蛋麵的煙韌。如果辛苦用自家配方又做得不好，倒不如外講有品質且可減底成本的麵更化算。
其實他們的選擇也很多，單是麵條都有6-7種(罕見的如空心米線)，湯底都有3款(清湯，麻辣，蕃茄)，配料有超過20款，除常見的種類，更有一些台式和馬拉式的特色配料 (魚肉春卷、鹹魚肉餅、台式肉燥、南乳豬手等等)。
服務: 當時人客不多，服務都唔錯，員工有禮貌，HELPFUL，不過可能新手，舖面的幾位年輕人有少少生手和怕羞，而那位疑似老闆的男士整天板著臉，把他們嚇得誠惶誠恐，如果老闆可以多一分笑容，氣氛會輕鬆點，這一點顧客是感受到的! 幸好見老闆細心調較冷氣，可見其親力親為!
另外喜歡他們貫徹車仔麵傳統以畫紙仔的形式落單，讓客人能清楚選擇。但他們卻以快餐店式睇號碼自取，這令人費解，有些客人又不需自取，情況有點亂。第一: 人不多，客人已經要自己出去落單(唔緊要)，仲要再出去自取，樓面員工有何用? 第二: 人多時，一個人時萬一出左去取麵，回頭座位無左點算?
整體這碗車仔麵”食送”的量是合理，算多，但麵的量偏少，如果男仕們會唔夠飽。指定套餐式車仔麵約$60有找，包飲品，自選組合(如3種配料)，約$50以下。以車仔麵來講算中價，從店舖種種可見老闆有野心，但車仔麵始終定位不能太高，希望這間有心的車仔麵可以堅持下去，期望有進步空間。
張貼