嘉寶漢堡 (和益中心)

營業中

休息中

今日係尖沙咀收工，趕住睇戲，一於嚟食下嘉寶漢堡。以前趕時間的話真係未必會幫襯，當年舖位細得幾個位，想食的話要排好長時間先有位坐。宜時搬左新店，自己搵位坐再排隊落單攞食物，舖位大左多左好多位，可以食到個真正既快餐。蜜糖芥末菠蘿牛堡餐牌原本寫係豬堡，轉左做牛堡。煎香過既麵包咬落鬆軟，夾一片煎香左既菠蘿同淋上蜜糖芥茉醬，食落非常juicy。芝士牛堡叫左個套餐，配薯格及可樂。熱溶左既芝士非常吸睛，牛堡唔算充滿肉汁，不過就食落鬆化。薯格偏淋，可以係自助區自行加醬汁。整體來說，能夠係尖沙咀搵到$5x既漢堡包，而且食物質素都唔錯，絕對值得再嚟幫襯。