天台BBQ燒烤場 (已結業)

上星期見openrice有新推介,本身諗住去美孚燒烤既我地見D相好似幾好咁,地點比美孚方便就打去Book位試0下啦,地點就係大角咀,唔算太難找,太子MTR行去約8分鐘,天台燒烤場黎講唔算太高(五層樓梯),唔知係咪新開關係當晚淨得我地一檯,不過一去到感覺舒服(居然有冷氣),佢有兩層,我地一行十多人行完樓梯熱死辣辣一入去有層冷氣空間有梳化,飛鏢机,三部LCD大電視既地方坐o下,感覺very good!當大家休息其間,該店服務員就將一盤一盤食物搬上去,嘩數o下數o下都廿幾款嫁,到o左開餐啦!肉類:腸仔、芝士、紅腸、香茅雞扒、豬扒、黑椒牛扒、咖喱豬頸內(正)、金沙骨、香辣雞亦(正)、香茅雞亦、黑椒鴨腎、鴨胸!蔬菜:青椒、尖椒、金菇、冬菇、紫心蕃薯、粟米!其它:多春魚、秋刀魚、墨丸、魚旦、火腿丸、牛丸、蟹籽丸、蒜蓉牛油法包!款色超多,味道一流,燒燒o下老闆突然拿碟用鍚紙包住既東西放入爐中,約十五分鍾後取出放上碟再見佢細心用刀叉割開,一陣陣香味從此飄出,老闆話呢條叫雲貴香辣燒魚(免費嫁),我地超鐘意食!仲要講埋D海鮮得到不得了,我之前去其它燒烤場都有加海鮮,但就咩都細,不過叫做有D海鮮食o下咁啦,