影片
更多
2015-11-10
410 瀏覽
地產霸權搞到越搬越細！符興街、新祥街、新成路符興街交界，依家只放到兩張細圓枱，勁陰功囉！轉眼食左蛇王兄 3 年喇，第一次黎新舖幫襯，得兩三個食客，暫時都坐得舒服，面對大街夠開揚，公眾就係對面碼路勁方便，但公眾裡面好嗅呢 ﹗ 夜媽媽十點半先返到上水，係時候搵晚餐食喇，好想飲湯，唯有去蛇店啦！人家夜媽媽搵糖水食、搵酒飲，我就去搵靚湯飲，好想飲湯呢！飲湯夠喇！ 蛇羹，今晚蛇羹依舊保持高水準，足料蛇肉、瘦肉、木耳絲、冬菇絲、等等，每一啖都塞到滿滿滿的。味濃香甜，質地厚薄適中，唔會食到漿住個嘴，好好味！而且蛇肉結實又彈牙有咬口，配上特濃高湯點可能唔好食呢。一向都會先食幾啖原味，之後再加調味料食，但今晚突然想食濃味一點，一開波就加浙醋加胡椒粉薄脆夠了 ﹗將質感及味道再次提升。食完蛇羹先飲湯搞到蛇湯淡晒囉，好采都好好味啫！蛇湯，都只係賣剩幾碗乍，堅濃郁美味，落足藥材，清甜而不苦不澀，熱辣辣灌入口份外醒神。蛇湯，要認真地細緻品嚐每一口，甜美非常，飲得到藥材既清香獨持味道，非常喜歡、非常吸引 ﹗熱騰騰出晒煙送到，更令人有一飲而盡既衝動 ﹗大啖大啖地飲，超乎想想像的美味，飲完全身發滾又興烚烚，係依個感覺喇
地產霸權搞到越搬越細！符興街、新祥街、新成路符興街交界，依家只放到兩張細圓枱，勁陰功囉！轉眼食左蛇王兄 3 年喇，第一次黎新舖幫襯，得兩三個食客，暫時都坐得舒服，面對大街夠開揚，公眾就係對面碼路勁方便，但公眾裡面好嗅呢 ﹗
夜媽媽十點半先返到上水，係時候搵晚餐食喇，好想飲湯，唯有去蛇店啦！人家夜媽媽搵糖水食、搵酒飲，我就去搵靚湯飲，好想飲湯呢！飲湯夠喇！
蛇羹，今晚蛇羹依舊保持高水準，足料蛇肉、瘦肉、木耳絲、冬菇絲、等等，每一啖都塞到滿滿滿的。味濃香甜，質地厚薄適中，唔會食到漿住個嘴，好好味！而且蛇肉結實又彈牙有咬口，配上特濃高湯點可能唔好食呢。一向都會先食幾啖原味，之後再加調味料食，但今晚突然想食濃味一點，一開波就加浙醋加胡椒粉薄脆夠了 ﹗將質感及味道再次提升。食完蛇羹先飲湯搞到蛇湯淡晒囉，好采都好好味啫！
蛇湯，都只係賣剩幾碗乍，堅濃郁美味，落足藥材，清甜而不苦不澀，熱辣辣灌入口份外醒神。蛇湯，要認真地細緻品嚐每一口，甜美非常，飲得到藥材既清香獨持味道，非常喜歡、非常吸引 ﹗熱騰騰出晒煙送到，更令人有一飲而盡既衝動 ﹗大啖大啖地飲，超乎想想像的美味，飲完全身發滾又興烚烚，係依個感覺喇 ﹗颷汗晒，舒服晒。
蛇汁雞半隻，居然咁夜仲有雞叫？驚喜呀，有幾之路過一早就賣晒呢。想像不到蛇店既雞都可以嫩滑 juicy，而且雞味突出。淋上大量黏黏的蛇汁，令到雞肉雞皮更香更滑。而且蛇汁中有種獨特既味道，咸咸香香的，不知道是什麼，使人非常好奇，想一試再試，咪搞到食唔停口囉 ﹗我比依雙雞滿分，一百分！
話說以前舊舖有個大陸四眼仔衝入黎要食雲吞麵後，今晚又有個大陸婆要食炒麵、白粥、齋腸粉喎！依個主意唔錯，可以出蛇肉雲吞湯麵、蛇油撈麵、蛇肉腸粉、蛇湯粥，應該幾好味！食飽返歸沖涼洗頭、收衫摺衫、洗衫涼衫後休息。
張貼
