蛇王兄 (已搬遷) 新店位置

依家天氣開始轉涼，最好就係食蛇羹。今日去咗上水做嘢，同事介紹咗一間佢自己好鍾意嘅蛇羹舖頭俾我。入到去先發現原來佢係有兩間舖，我哋五個人被安排坐喺大枱，10分舒適。呢度除咗蛇羹之外，原來仲有雞飯同羊腩飯等等。最後我點左a餐，套餐入面有蛇羹蛇湯同糯米飯，因為我怕食糯米飯太飽嘅關係，所以轉咗做蛇汁雞飯。呢度既蛇羹同埋蛇湯都落咗大量既薑，冬天食真係一流，枱面仲有蛇酒，想補身嘅朋友可以落埋蛇酒一齊食。整體味道都唔錯，朋友食糯米飯都覺得幾好食，而且呢度好乾淨企理，連個廁所都好乾淨，值得一讚！

星期四晚八時恭候八半入席 12 位食家，雷海成龍苦陳腎雪啫胃膶，另加兩位友情客串維納斯欣及塔芬尼儀。蛇膽酒 1 支、汽水 6 罐、臘味糯米飯、金龍吐玉珠、蛇汁浸生菜、椒鹽蛇碌、蛇汁浸雞、陳年果皮蒸野生水魚、竹絲雞燉梧州蛤蚧、枝竹黑草羊腩煲，花膠雙冬炆蛇腩、秘製太師五蛇羹 2 鍋、等等等等。臘味糯米飯走花生，再次失落於糯米飯，無料豉油撈飯，單調極寡。只得幾粒蝦毛及大量肥膏粒，無加入臘肉，不香不甜。膶腸腍劈劈，甘香味微弱。臘腸嚥韌脆皮，瘦肉不油還可以。驅風強身五蛇湯，甜中帶澀不甘，免免強強。真材實料，藥材比例恰到好處，甘中帶香帶甜，濃郁晶瑩透亮，散發清徹蛇肉味道！蛇汁浸雞半隻，凍雞有點失色，牡丹雖好都要綠葉扶持，慨嘆孤掌難鳴！無左熱辣辣絲苗香飯撈暖暖蛇油及惹味清香薑蔥汁點綴的話，變成毫無味道的平凡白切雞呢！淨雞真係普通而厭悶，無飯使得色香味都跌到谷底，差天共地。蛇汁浸雞飯一碗，氣味過份香噴噴，使得我情緒太興奮！未撈勻就急急大大啖飯扒入口，有點咸得濟啊！先要冷靜下來，耐心地將薑蔥油及蛇汁跟白飯融合，要均勻透徹，可以正式完全開動！蛇汁撞薑蔥油食到唔停得口，咸鮮甘甜幼滑的蛇汁，惹味香口不腥熟𢦓度

前排天氣轉涼，無啦啦又凍又熱好易病，唯有食下蛇🐍羹暖下肚，每次買譚仔都會經過聞到好香臘味糯米飯🍚味，可惜對於低薪一族既我黎講，其實食蛇都算係幾奢侈的消費。所以食蛇就一定要左揀右揀，揀個又抵食又好味既去食，係上水呢間蛇王兄相比起屯門區既蛇羹較為足料，再加一碗對面街都聞到超香既臘味糯米飯真係夫復何求。點了一個套餐B $160 包括大蛇羹一碗、細蛇湯一碗、細臘味飯一碗。蛇羹足料有很多蛇肉，加埋必食的硊片囗感豐富。蛇湯可轉成龜湯加$6 我對湯汁無特別評價，但畫龍點睛一定係個臘腸糯米飯，加豉油、蔥花和鬆脆花生🥜，整體感覺口感豐富又美味！

天氣轉涼，涷冰冰，有乜好過食碗臘味糯米飯，就係一碗足料嘅蛇羹加多一碗臘味糯米飯。食蛇羹，咁多年都係覺得蛇王兄最好食！每年冬天縂會去幾次，呢兩日凍左咁多，女友已經問幾時食蛇羹，今天收工，同同事傾開，佢以為蛇王兄結業了，其實是搬左過一兩倏街，就帶佢去一㳄，順便食碗暖吓身，上水真的凍過沙田好多，先要一碗細蛇羹，蛇羹足料，可見很多蛇肉，不像一些蛇店，瘦肉多過蛇，加一些檸檬葉添加香味，當然加埋我最愛的硊硊片，添囗感，呢度的脆脆片放在枱上任你添加～！蛇羹香味四溢，口感豐富，再加一碗糯米飯，呢度D糯米飯不是生炒，而是蒸熟，加點豉油調味，撈勻再加蔥花和鬆脆花生，一碗內有潤腸加臘腸，豐富又美味！

非常非常足料👍👍👍👍👍冬天補一補😋😋雖然沒有有野生蛇肉禁鮮甜。但也很鮮甜肉質都還算可以，湯夠濃味。還會再來吃、今天只有自己吃、下次帶朋友一起去吃！

今日同男朋友黎到上水，時間下午三點半，本身想嘆個下午茶，但突然醒起之前望到有蛇羹！就上網搵到地址再過黎食呢排天氣轉涼依家食可以補身啊嘻食幾十蚊其他粉面對身體無益咁就不如食碗蛇羹仲有用啲嗌左碗大蛇 Share 色水濃郁 食落陳皮味稍重食落味道有些少帶甜甜地既感覺味道會比較馬鞍山既重好足料 真係啖啖肉入面有蛇肉絲 木耳絲 冬菇絲呢啲必有既都有食完之後再嗌左碗大蛇湯好香既中藥味 唔會太濃唔會澀龍眼肉都有好幾粒 仲有幾粒參煮得好淋⋯咬落即散 哈哈哈感覺好補啊哈嗌左兩碗大的 蛇羹$95蛇湯$55兩人Share 做下午茶填下肚岩岩好下次再來就可以試龜湯

今日下午我們經過上水符興街見到呢間「蛇王兄」就覺得有啲餓兼最近都開始有啲秋意濃嘅感覺，所以我們就決定入去食下午茶！我們當然係叫咗蛇羹嚟食啦！一嚟到我們就覺得無揀錯入嚟食，因蛇羹嘅份量係超足料豐富，兼且係用真正嘅蛇肉，唔會好似某啲店咁用鷄肉嚟冒充蛇肉，而且蛇肉都好大片厚身，唔會切到好幼身嘅蛇肉絲咁，所以食落啖啖肉咁，口感好豐富，真係超正兼係本人嘅必食推介呀！另外值得一讚嘅係店員嘅服務態度，因佢問我們要唔要食套餐？我們話唔要喇，祇係叫咗單點，佢亦無對我們黑面，而且仲係咁親切有禮，所以真係值得讚賞！

而家都未到冬天季節，唔係食蛇旺角，但同友人心血來潮真係好想再一試，即刻搵下附近有咩食蛇既地方呢度有套餐，蛇羹蛇湯加糯米飯好似100-120左右，二人分量我見隔離桌既人都夠食。不過我地一心想食蛇羹，所以叫左一大一細。味道不俗，唔係話一食你會驚喜個種，但一定有回憶的味道囉！加上佢地蛇肉好足，唔夠味都有醋，胡椒俾你自己加甜。最緊要係，食完成個身暖晒！同埋見到佢地有12人一圍既蛇餐，有機會都想試下！順帶一提，唔洗擔心無冷氣，可以食得安心

天寒地凍，食乜都唔暖，一個人打邊爐又好孤獨，行到蛇王兄即時被吸入舖內。叫咗個細蛇羹又邊夠㗎~加埋個臘味糯米飯，正糯米米煙韌有口， 膶腸野味咸香。蛇羹足料，湯羹滑口。

今日向上水室外工作，一連幾日的寒冷，見到蛇王兄，即刻入去食返蛇羹、糯米飯，一年都係食得一、兩次到 秘製五蛇羹幾足料臘味糯米飯，我的至愛有散叫，有套餐，緊有一款啱我食

我第一次寫食評。今日專程黎上水試下呢間d蛇羹套餐，叫了一個大蛇羹套餐。一試個蛇湯，唉！完全同蛇王兄砵蘭街分店係兩碼子的事，蛇湯沒有濃烈的藥材味，得一舊仔蛇，沒有圓肉、杞子的在蛇湯入面，飲完亦沒有暖的感覺。蛇羹d蛇用好有咬口，咬唔到。好失望，完全無唸過原來同砵蘭街果間係同一個名。

天氣凍凍地想食碗蛇羹，就行去舊虛買啦，上年我跟阿媽喺大埔食過，都係60幾蚊就有一大碗，點知哩到買要90蚊，貴好多呀～～～本來想買幾碗返屋企一人一碗，而家只好買一碗大嘅分三份食啦😂😂😂媽媽鍾意加檸檬葉，所以叫佢加咗好多，加咗之後蛇羹唔會腥。蛇羹都算足料，三個人食免強都算夠食，唔錯！

由細食到大既蛇舖⋯⋯記憶中，蛇王兄好似般過三次舖，好彩三次都係上水區！點解要搬？住上水既，就會明佢既蛇羹，百吃不厭，因為實在太有料！真係比蛇用你！唔似第二啲舖咁，比瘦肉當蛇肉！而且價錢合理！依類舊式店舖，味道好，真材實料，有人情味，希望佢唔好比啲水貨店迫走！

這星期開始有點寒意，最好就是食蛇羹，這兩年我都是鍾情上水蛇王兄。先來一個 $110 套餐，包括蛇羹、蛇湯及糯米飯，再加一碟蛇汁雞飯。蛇羹依然保持水準，足料蛇肉，還有木耳絲、冬菇絲等，廚師推得濃杰適中，加上枱上自由添加的檸檬葉及薄脆，非常滋味。蛇湯濃郁藥材香味，清甜可口，熱騰騰，飲落非常暖身。糯米飯粒粒分明，口感軟糯，不會油膩，臘腸潤腸也不錯，香而不死鹹。最後到來的雞飯，雞依然做得很滑，連胸肉也不嚡口，還有雞味，真難得。這碟雞飯才 $49，配上蛇汁及自家薑蓉，不知不覺可送整碟飯，好滿足。

睇住呢間店舖裝修開業，次次去北區球場路經呢間蛇店食肆都好想食，原來係同區搬遷過嚟新位置，今日有啲寒寒地想食碗腊味糯米飯，又比佢店舖既介紹吸引，再加碗龜令湯清濕解毒一下，期待已久既心情，搵個位坐低就就開始今次既試食喇。 先嚟碗龜令湯，少少杰杰地，味道唔太濃，易入口，細路都啱飲，清濕解毒，一流。 腊味糯米飯好多料，腊腸，潤腸，花生，蝦米仔，蔥菜，蔥花。軟硬適中，食到落碗底都唔油，好健康。 食既時候，一路食一路睇佢牆上面介紹食蛇好處既資料，臨走都買左包蛇膽陳皮，老細(我估佢係)教我食一角仔保健，佢地服務態度都好好，雖然地方細細但乾淨整齊，食肆衛生好重要，可令食客安心，今次經驗所得，我會再嚟試下其他食物……I will be back