烏蠅館 (已搬遷) 新店位置

朋友知我鐘意食冒菜，二話不說推薦我要黎一試。原來冒菜係四川菜之一，有點似麻辣燙，但冒菜較為少油，入口辣而不躁不膩，啱曬香港人口味。原來烏蠅館個名都有意思嘅，係餐廳食物需要做到頂級，才會被人稱為「烏蠅館」。既然被認為係一哥，今晚就試下先。餐館位於亞士厘道大廈內，店鋪以木色為主，乾淨簡潔。一入口門已聞到麻辣燙嘅香味。我地點了個小麻辣烤多寶魚，跟三款指定前菜，雞脾菇、木耳同芋絲。多寶魚好大條又滑，入口先麻後香辣，好好味。三款前菜亦新鮮、好味，吸收曬湯底味道。我地點了雪花肥牛，鴨血，寛粉，油麥菜同蓮耦片。肥牛質素比我預期嘅好，偏厚切，有牛味同咬口。寛粉亦推介，肥嘟嘟、滑嘟嘟、 煙煙韌韌咁。蓮藕片亦爽口，夾味。油麥菜新鮮、爽口，但我覺得唔太夾酵魚食，因為油掛滿菜面，裡面又無咩味。總括黎講，今晚好滿意又滿足，當我想食冒菜時，一定會再番黎。