影片
更多
2023-02-19
39 瀏覽
剛剛去完日本旅行，而家又想去旅行，諗諗吓台灣都好耐冇去過。今日去旺角行街，見到有間買台灣嘢嘅小型超級市場，於是入去睇吓，望梅止渴。入到去貨物嘅種類好多，有好多急凍食品，麵食，醬料買飲品等等，我都忍唔住買咗三款台灣特色食品。剝皮辣椒高麗菜鮮肉餃$88大大盒，一盒有16隻，呢個餃係台灣自設工場手工制嘅，以新鮮高麗菜同埋台灣豬肉做及剝皮辣椒粒做餡料，餃子食落好Juicy，我餃子皮煙靭，剝皮辣椒豬肉辣辣地，好惹味。我用嚟煮米粉食，正。阿木排骨酥$59一包200g, 適合一至兩人食，我將佢送咗俾我爹哋媽咪，佢哋屋企有氣炸鍋，最適合整呢個排骨食㗎啦。食完之後佢哋話用氣炸鍋整呢個排骨超方便，出嚟效果好好，排骨香脆，內裏保持肉汁，肉質細嫩。佢地配麵線一齊食，好有台灣嘅味道，果然識食。蚵仔煎$55我好鍾意食台灣嘅柯仔煎，見到呢個即食版蚵仔煎就即刻買咗返屋企試吓，呢個又係超方便，用平底鑊返熱就食得，蚵仔煎蛋香十足，內裏超多蚵仔，好鮮甜，配埋佢個醬汁， 100%還原台灣味道。我見到呢間小型超市仲有好多團購可以買，有好多款台灣品牌嘅蛋糕，好吸引，下次再去可以試吓。
入到去貨物嘅種類好多，有好多急凍食品，麵食，醬料買飲品等等，我都忍唔住買咗三款台灣特色食品。剝皮辣椒高麗菜鮮肉餃$88
大大盒，一盒有16隻，呢個餃係台灣自設工場手工制嘅，以新鮮高麗菜同埋台灣豬肉做及剝皮辣椒粒做餡料，餃子食落好Juicy，我餃子皮煙靭，剝皮辣椒豬肉辣辣地，好惹味。我用嚟煮米粉食，正。
阿木排骨酥$59
一包200g, 適合一至兩人食，我將佢送咗俾我爹哋媽咪，佢哋屋企有氣炸鍋，最適合整呢個排骨食㗎啦。食完之後佢哋話用氣炸鍋整呢個排骨超方便，出嚟效果好好，排骨香脆，內裏保持肉汁，肉質細嫩。佢地配麵線一齊食，好有台灣嘅味道，果然識食。
蚵仔煎$55
我好鍾意食台灣嘅柯仔煎，見到呢個即食版蚵仔煎就即刻買咗返屋企試吓，呢個又係超方便，用平底鑊返熱就食得，蚵仔煎蛋香十足，內裏超多蚵仔，好鮮甜，配埋佢個醬汁， 100%還原台灣味道。
我見到呢間小型超市仲有好多團購可以買，有好多款台灣品牌嘅蛋糕，好吸引，下次再去可以試吓。
張貼
