影片
更多
2020-07-25
1724 瀏覽
話說我最鍾意發掘區內嘅新餐廳，得知之前喺巷仔經營居酒屋小館嘅舖仔轉咗手，變咗印尼菜館🇮🇩，就已經想幫襯多時。不過由於店舖真係太細，所以幾次去到都無位，上網仲見到話要排隊😱。可能熱潮已過，星期五午飯時段去到居然唔洗等。舖頭維持上手裝修，只係轉咗啲掛畫咁解。餐廳仍然係好細，坐得幾迫下，全店應該唔多過廿個座位，當中有幾個高嘅吧枱位，感覺都幾Chill嘅，但唔似食印尼嘢囉🤣。事不宜遲，我哋即刻睇下有乜好食，除咗由細食到大嘅「營多麼需要你」即食麵外，我對印尼菜一竅不通，哈哈。餐廳有賣麵同飯，價錢介乎$38-$55，唔算貴，但飲品以原價計算，又唔太抵，即係落樓都可能要$7X-$8X一個人🤔。食物看似有選擇，但其實當你唔食飯，麵食係得幾款，撈或湯或炒+手打麵或河粉或烏冬等🙈。手打撈麵Bakmi Singkawang($38)，首先要澄清一樣嘢，手打麵係真係唔同營多，味道同口感都完全唔似，哈哈😂。一上枱嘅時候，我覺得碗麵份量勁少，但原來係錯覺，麵量超多的。不過我唔太啱食，麵質食落有啲似煮唔開嘅公仔麵，但又稱唔上爽，怪怪的。除咗麵質外，撈麵亦都好淡味下，唔係營多嘅重口味。食到一半，我忍唔住落咗隨麵奉上嘅
話說我最鍾意發掘區內嘅新餐廳，得知之前喺巷仔經營居酒屋小館嘅舖仔轉咗手，變咗印尼菜館🇮🇩，就已經想幫襯多時。
不過由於店舖真係太細，所以幾次去到都無位，上網仲見到話要排隊😱。可能熱潮已過，星期五午飯時段去到居然唔洗等。舖頭維持上手裝修，只係轉咗啲掛畫咁解。
餐廳仍然係好細，坐得幾迫下，全店應該唔多過廿個座位，當中有幾個高嘅吧枱位，感覺都幾Chill嘅，但唔似食印尼嘢囉🤣。
事不宜遲，我哋即刻睇下有乜好食，除咗由細食到大嘅「營多麼需要你」即食麵外，我對印尼菜一竅不通，哈哈。餐廳有賣麵同飯，價錢介乎$38-$55，唔算貴，但飲品以原價計算，又唔太抵，即係落樓都可能要$7X-$8X一個人🤔。
食物看似有選擇，但其實當你唔食飯，麵食係得幾款，撈或湯或炒+手打麵或河粉或烏冬等🙈。
手打撈麵
$38
32 瀏覽
0 讚好
0 留言
手打撈麵
$38
28 瀏覽
1 讚好
0 留言
至於餸方面，望落都幾繽紛嘅，五顏六色，有疑似叉燒嘅豬肉、巴東牛肉粒、好脆嘅豬皮、粉狀嘅蝦餅(唔問都唔知、完全無蝦味)同勁細粒嘅魚蛋。全部都勁的骰，似兒童份量或扮家家酒嘅玩意😜。
海鮮炒手打麵
$55
24 瀏覽
0 讚好
0 留言
海鮮炒手打麵
$55
29 瀏覽
0 讚好
0 留言
什果刨冰
$35
16 瀏覽
0 讚好
0 留言
什果刨冰
$35
14 瀏覽
0 讚好
0 留言
老實講，嗰兩款手打麵都幾唔啱口味，但記得有人講過食唔慣先代表正宗😳？再者，同場坐咗好多印尼華僑(同廚師用非中文溝通)，食得津津樂道之餘，仲買外賣走添！另外，餐牌亦有落印尼文。綜合上述各方面，我有理由懷疑佢嘅味道係十分地道。
總括嚟講，我認為如果好奇印尼菜係乜東東嘅都可以到餐廳一試，而刨冰係全餐最正的😋。之前喺Openrice見住啲負評進趕好評，結果係學獎門人話齋，打和Super🎊，一般般啦。
張貼
