大戶屋 (已結業)

Ootoya 在日本係一間鏈鎖式飯堂，今晚約左朋友食簡單的日本菜，我便想起呢間尖沙咀嘅大户屋，隨了日本遊客外，很多時都會發現唔少香港做嘢嘅日本人係呢道開餐。今晚點了(1) 三款三文魚箱壓壽司定食、(2) 雜錦串燒及(3) 雜菜鮮蝦湯飯定食。三款三文魚箱壓壽司定食 - 有三種口味分別鮮三文魚、火炙及魚子沙律。魚肉非常新鮮柔軟有光澤，而壽司飯食落糯軟而微暖，配合得天衣無縫，令人再三回味。雜錦串燒 ，有雞肉(日本芥末)、翠肉瓜、杏鮑菇、秋葵、冬茹、盬燒雞肉葱花及免治雞肉 - 因我哋坐吧枱，可以睇到大厨點樣做串燒，工架唔差；各款串燒都非常美味，食落柔軟而唔會乾，味道都很適當。唯雞肉(日本芥末)比較淡口，自己要點上壽司豉油，又沒有日本芥末的感覺，雖然見到有幾點 wasabi 係雞肉上，不過整體仍然令人非常滿意。 雜菜鮮蝦湯飯定食 - 湯底加上黃芽白非常鮮甜，白飯吸收湯之鮮甜及帶點柔軟充滿飯香，真係好好食，不過有個我並不喜愛的做法就係埋茨，所以湯底比較杰。另外隨飯附上的蒸蛋、麵豉湯及漬青瓜都不過不失。