大戶屋 (已結業)

一家三口到了廸廸尼過了一個超愉快的週末日，真有點樂不思蜀的感覺....最後卒之要返回現實了。經稍事休息過後便要驅車回家。回家前拖著疲倦的身體，在尖咀一帶下車先醫肚後才再轉車回去....下車的地方就正正在這裡的樓下。不及細想，就拖著行李走了進來開餐....一人匆匆來一份午餐。小友由於太睏的關係所以只吃了少許便投降。最後小弟一個人便獨食了一份半的餐，肚子真的飽得很....小弟點的熱鴨湯稻庭烏冬，湯嚴格上是一點都不夠熱的，不過下了大蔥的它甜度倒是夠；鴨肉稍嫌弄得太熟致有些柴嚡又縮成一團，水準實是令人太失望了....冷吃的烏冬同是雪得不夠冰涼；韌度亦非常一般....茶碗蒸沒有過老，還可以....太太給了我一點醬燒雞肉試。肉雖是不韌的但差在嚐到有雪味的存在。就算舖上了濃甜的醬燒汁也掩蓋不了....試了一件放在左上角的"醃菜"，竟驚覺是一點酸味也沒有的，就連鹽也不多下，越發吃至人口淡淡....至於小友的滑蛋豬扒呢 ? 感覺上是三者中最正常的 --- 蛋汁內由於有大量洋蔥同熬的關係故此甜味就夠足；豬扒肉不韌而外皮也沒因有蛋汁浸著而變得太軟。配合白米飯來吃的話自然就要清碗....水平不甚了了的一餐。心

去完太空館！要搵地方醫肚！鍾意日式餐廳通常好坐！而且有餐具比小朋友！呢間定食多！仲有兒童定食！所以有時食物之外！仲有好多原因影響我揀一間餐廳！尤其做咗媽咪之後！太迫太窄嘅餐廳啊會考慮！一坐低大人送上茶！小朋友送上暖水！已經知道細心！我叫吉列雞扒配熱烏冬：吉列雞扒外脆內軟！吉列皮好鬆！點日式酸甜醬好味！椰菜絲新鮮清甜！熱烏冬煙韌，配海帶食可以解吉列油膩感！最後係分大半比了肥髀！因為好味！但個定食前菜就唔得！白蘿蔔好辣！係喇口嘅辣！食唔到！而另外兩樣就正常！肥髀叫蛋包飯兒童餐：肥髀食晒！配蘋果汁！仲有份玩具！小朋友點會唔鍾意？不過我覺得飯面醬料多得滯！個薯茸我食咗少少！好味！日式餐廳廁所一定乾淨！兩個人尖沙咀食餐午餐都係$160！好合理！

兩年無食大戶屋，當年食過嘅銅鑼灣分店，而加都執左。今次再去食，一啲都無退步！六點倒去到，無咩人，仲諗住公眾假期會好多人添。有飯有麵，點會唔飽！個雞排炸得非常香脆，美味！個蕎麥麵夠哂凍，彈牙，夏天食超正！香噴噴嘅豬排鍋，好吸引呀！個汁非常惹味，撈飯一流，好香嘅蛋同洋蔥味。補一句，可以免費添白飯一次xd 啲豬排吸哂啲汁嘅精華，非常回味。 大戶屋依一類高質素中位價嘅日本餐廳真係好少見，甘岩隔離仲要坐左枱日本人，好有feel, 下次想食日本野一定會再黎！

星期五在尖沙咀吃晚飯到處都分時段，祇限吃90分鐘，大户屋近地鐵站，上次在荃灣店吃，食物不錯，價錢合理，就選它吧。店在一樓，頗大，日式裝修，雅潔。我們本坐在近樓梯的卡位，但旁邊有大燈箱，强光刺眼，必須換位。六時三十分: 我們三人已很守規準時入座，打算待友人到才點東西吃。六時四十分: 已被禮貌提醒，「快七點了(???)，點東西吃嗎？」，惟有乖乖就范，先點的是: 烤雞扒拌沙律: 雞扒份量不小，烤得很香，菜也新鮮爽脆。燒花魚定食: 沒在荃灣吃的大條和充滿油香，不過不失。三文魚魚生: 六薄片沒甚味道盛惠六十元。六時五十分: 朋友裙拉褲甩趕至，急加三文魚壓壽司: 八件四款味，有輕炙的有加香草油的，賣相好，食味沒甚可談。串燒拼盤: 豬牛雞共六串，件頭不小，烤得也香。七時四十分: 「小姐七時四十分last order」， 如打仗嚮起警報聲，我們慌忙努力狼吞虎嚥。七時五十五分: 「小姐麻煩埋單」，咭一簽，久候的另一位waitress即衝前，三扒兩撥乾淨俐落杯碟筷子盡收，其實花魚還剩不少，我想一盡綿力不浪費食也無能為力，看着魚被送走。離開之際，竟有趕工完畢，身心疲累之感，決不再來。平心而論，大户屋環境不錯

想食日本野做晚餐，又唔想食壽司呀放題呢d，於是跟住呀q踏上1a巴士去到尖沙咀，一落車就到大戶屋門口。2100到步，店面好大，但入面都只係坐左4，5枱人。我地可能坐大卡位。岩岩shop完屏，有個位放低一袋二袋真係唔錯，又可以同呀q坐得舒服d。呢度好似日本咁有籃俾客人放袋起地下唔怕整污糟個袋，唔係坐卡位既客人都有用。其實一路上黎已經俾d鱈魚既圖吸引左，呀q本身都話食鱈魚，但次次食日本野都係食鱈魚，今次試下食“魚花”魚，咁就中左招啦，佢只係一條普通既魚，早知食番鱈魚啦。另一個飯叫左吉列雞扒配沾烏冬，烏冬有d硬，箍緊牙既我食得有d費力，吉列雞外脆內滑，非常juicy，唯配菜唔夠甜，美中不足。我地另外叫左牛脷，好林好好味，一句講哂，好正。黎呢度食野都貴架，我地就住點黎食都埋單360，唔知點解openrice話呢度係41-100。

店內面積頗大桌面的面積是一般餐廳提供的兩倍每張桌子所隔的空間十分充足坐得很舒服, 滿意餐牌相對比較大本圖片清晰易明, 價錢簡介直接無花巧餐盤略大, 所以桌子用得其所份量頗大, 配以前菜, 相當足夠食物味道不會偏鹹, 有住家的味道配菜亦比例適宜點了味增吉列豬扒珍珠米豬扒入味, 肉有點過熟, 不夠軟熟味增多吃會有點鹹感, 配煙韌珍珠米, 不俗溫泉蛋合格, 沒特別欣賞小店以小碗白飯配大盤配料不夠的, 可免費添一碗已經吃飽的, 不用怕浪費食物

打完波，時間尚早，加之翌日是假期，便去吃好一點。至少是能坐耐一點，可以吹下水，不要次次都趕頭趕命。其實，附近選擇並不太多，根本沒幾家合心水的，才來到了大戶屋。朋友說要吃鍋物，而我胃口則沒那麼好，反而想吃個炸雞定食。炸雞比預期中乾，咬下去偏實，沒幾多肉。重點竟放了在配角的太陽蛋身上，我的食法當然是把它蓋著白飯，再破開蛋黃，撈呀撈，讓每粒米飯都能沾上蛋汁。這樣的吃法，三歲小朋友都懂，卻由始至終都是味美。對方的牛肉鍋熱哄哄的，看他吃得津津有味，還要添飯，樣子滿足。

不知道為甚麼，我很喜歡到大戶屋吃晚飯，覺得那裡食物不錯、環境亦好，和朋友在那裡吃晚飯、分享趣事，已經很快樂了.這次我和友人與新認識的朋友一起吃晚飯，雖然是新朋友，但早前已一起吃過晚飯，也一起參觀過博物館，所以晚飯也可暢所欲言，實在難得!早了一星期訂座，晚飯當日店員也致電來確認人數，效率也不錯. 我們BOOK了7:30PM，限時1.5HRS，可以用餐到9:00PM. 不過到9時也沒人要求我們結帳，而且也沒有客人等位，所以我們9時多才結帳離開呢!(P.S. 3位以上才接受訂座)餐牌選擇頗多，包括串燒、小食、刺身及定食等，總會找到自己愛吃的食物!我們每人選了一款定食來分享:火炙三文魚盒子飯 (附送日式蒸蛋) $103盒子飯有4片火炙三文魚蓋著飯，不過底下的白飯有點寡，但配合沾上沙律醬的嫩滑三文魚也是可以的. 跟餐的蒸蛋也嫩滑，入裡有少量菇粒，也不錯.黑醋雞肉野菜定食 (附送日式蒸蛋) $95新鮮即炸的雞肉入口是異常熱辣，而且炸粉亦薄，酸酸甜甜的味道令人很開胃; 至於內裡的配菜如青椒、蕃茄、胡蘿蔔等也爽脆可口，實在不錯.吉列雞扒飯配冷蕎麥麵 $95吉列雞扒飯是每次我來時也必點的，炸物鬆脆油份不

第一次到大戶屋食飯，見花魚未食過就試下，而另一個餐就要五花腩并牛肉。上餐速度快，但食物唔夠熱花魚定食花魚半條-肉質似鯖魚、味淡、有魚油，但魚皮超燶，味苦，就算有蘿蔔蓉都遮唔到陣燶味白飯-最好食味噌湯&前菜-一般雜菜-好凍又硬，仲要苦添蒸蛋-幾好，夠滑五花腩并牛肉定食其實佢唔算係用五花腩，得兩層，一層肥膏同一層肉…牛肉就好嚡，又硬，係有d味，但好失望當然個餐一樣有湯、雜菜同蒸蛋，但佢另外有薯仔沙律，竟然係兩個餐最好食嘅唔知間餐廳係咪想環保，碗飯好細，我地食左兩碗飯都未飽，第一次覺得自己大食，我諗無乜機會再幫襯

是咁的，這晚約了k小姐去看台灣來的寶島一村舞台劇，就到附近的日本餐廳享用。是次沒想過是定食選擇，很久以前光臨時是有不同的款式小菜壽司選擇。是次叫了燒魚定食，有前菜蒸蛋面屎湯配菜飯等的定食料理，欣賞白飯加錢可轉其他飯類，有海苔飯、什谷飯、生芋飯、溫泉蛋等等，另有烏冬蕎麥面等選擇，我一看到就忍不住加13大元要什谷飯，因為家中的米飯也是什谷米，吃開有感情😭😭😭醬汁燒池魚、柑橘醬燒.....魚，時令推介，一次又可以滿足的我吃不同魚的愛好，魚魚燒太乾，皮硬油下手太重，分了很多給l小姐，我最厲害是吃掉整碗什谷飯，醃物普通，白蘿蔔比不過劉森記或永華的自醃白蘿蔔。西京燒銀雪魚，魚肉嫩滑，西京醬味道厚卻欠了醬汁，可惜可惜。很多店我吃完都很少再安哥，除了大集團，因為有時沒選擇......

一直是大戶屋的粉絲,港島區銅鑼灣分店結業了十分可惜,那間分店的座位是最舒服!元旦日那天,在尖沙咀逛街,晚飯時間要找一間餐廳不用等位,相當困難~大戶屋的尖沙咀分店在彌敦道樓上舖,因為不是商場內,所以人流較少,如果揀側邊的獨立位,職員更快可以安排。看到餐牌發現有新料理推出 - 和風廣島蠔帆立貝鍋定食 ($135)十分足料而且食材新鮮,湯底有少許辛奇的辣味,係咪應該叫韓風先正確!?大戶屋的定食是可以添飯一次,日本珍珠米真係好香好口感,如果食得落的話,我係唔會客氣。而且大戶屋所有定食的份量都好大,大食的朋友光顧就唔會呻唔夠飽!

隔左排無黎,心思思又想食喇 放工6點半左右黎到,仲未開始多人,唔駛等不過閒日都話要8點交枱好似誇張左少少⋯雞扒炸得啱啱好,又無咩粉,好味同定食既黑醋雞唔同,呢個個汁係淋上去,做埋沙律汁。幾乎次次黎都會食花魚,唔係度度食到,中意食魚既應該會大愛。魚夠厚,有魚油,連埋蘿蔔蓉食辟緊d腥味,正不過今次條魚咸左少少⋯個人覺得食日本野唔一定壽司拉面燒肉,其實家庭式料理都好好味

行完街諗住食日本野，就走左去呢間試下。等左幾分鐘就有位，好好彩，因為平時食晚飯都要等返一陣先有位。入到裡面感覺環境唔錯，有少少日本的風味。一坐就拎個餐牌睇有咩好食，可能係肚餓既關係，好快就諗好左想食咩，叫左一個炸雞定食。等左一陣就好快比炸雞既香味吸引住，可能係即炸既關係，味道特別香。已經忍唔住要放一塊入口試一試個味道如何，一咬落去就發出一D好脆既聲音，明顯會覺得是即時炸的。食落既味道好好，唔會因為炸過而令到雞本身失去左原有既味道同嫩滑，而且很易就可以咬開。那隻太陽蛋煎得非常好，唔會太過火。湯既味道就剛剛好，因為之前食過一D日本菜既鋪頭既湯係太過咸，又或者太淡。而飯的軟硬適中，唔會太過軟，因為最怕食到軟淋淋既飯。整體黎講係唔錯既，環境舒服，食物又好食，值得我再黎試一下其他野食。

好肚餓, 好肚餓, 好肚餓… 呢間聽人講幾ok, 又晤洗點等位… 就試下~凍菠菜 (前菜)味道ok, 凍冰冰ge菠菜, 有醬油味, 加上木魚, 味道好夾, 而且選用菠菜中間位置, 用料講究.雜錦魚生飯set包雜錦魚生飯, 蒸水蛋, 麵豉湯, 前菜.雜錦魚生飯 : 其實好豐富, 有生蝦, 熟蝦, 三文魚籽, 帶子, 三文魚, 油甘魚, 屯拿魚. 魚ge味道係新鮮ge, 不過部分魚有筋, 影響口感. 飯下面有酸酸甜甜ge 配料, 令成個飯ge味道更豐富~蒸水蛋 : 裡面有冬菇, 味道好好, 因為一般日式蒸水蛋, 其實會比較濃味, 通常鹹鹹甜甜咁, 相比之下, 呢個比較清, 無甜味~麵豉湯 : 濃味, 有加醬油, 味道不錯前菜 : 凍菠菜 (同之前果個一樣)燒牛肉+燒五花腩有燒牛肉, 燒五花腩, 薯蓉, 沙律燒牛肉 : 口感不軟不硬, 牛味好重, 味道新鮮燒五花腩 : 外面燒到脆脆地, 好香口, 裡面晤會太 “鞋”, 亦晤會太硬. 半肥瘦, 味道甘香~薯蓉 : 味道剛好, 薯蓉裡面有薯仔粒, 所以有兩種口感~沙律 : 普通黑醋沙律, 醬汁晤特別多. 味道尚可, haha~ 有西蘭花, my

以定食為主, 可散叫某些定食的主食, 也有少量串燒和甜品;七點零去到得幾台客, 食到八點零先見到多d客, 都見到d日本人係度食, 應該唔差吧, 環境亦安靜舒適, 不失為尖咀唔想等好耐位食飯時既好選擇炸蠔 + 炸蝦餅定食 (第一時間食炸蠔, 脆漿唔算厚, 但炸起比較實, 不過蠔仲好 juicy; 蝦餅都好爽, 食到一粒粒肉; 前菜既青瓜粒都好爽脆, 調左些少味唔會好重草青味; 薯仔沙律食左一啖d蛋黃醬都幾好味; 麵豉湯不錯, 仲有d蘿蔔食下)吉列雞扒 + 冷烏冬定食 (烏冬係我喜愛的類型, 雖然唔係十足滿分唔夠滑, 但都叫煙韌彈牙; 有趣的是送餐時無俾到烏冬汁, 剩係得個容器; 吉列雞扒不是很厚, 但可接受, 炸漿都唔係好厚, 但食落比較甩皮甩骨; 吉列醬略為酸左d)滑蛋豬扒鍋定食 (熱鍋上菜熱辣辣, 有滑蛋同洋蔥汁撈下飯都唔錯, 豬扒肉厚但皮當然浸到腍晒, 個人黎講都係鐘意食剩係吉列豬扒)