星怡

營業中

休息中

身為黃大仙街坊，最近比我發現了地道新加坡菜館。星怡@現崇山門口有戶外位，可以飲酒睇波，幾有feel。menu有幾多特色新加坡菜式，例如喇沙、肉骨茶等等。新加坡鮮蝦喇沙麵（$88）濃湯配新鮮蝦肉、魚片、豆卜、雞蛋，好香椰子同咖喱味，辣度唔算太強，食唔到辣的都受得。新加坡海南雞飯（$88）雞肉嫩滑，而且頗大份，油飯軟硬度適中，屬中上之作。馬拉盞炒通菜（$78）濃濃香香，菜炒得乾身值得一讚。串燒（$98/6串）有雞、牛、豬，每串都夠份量，好飽肚。