星怡

營業中

休息中

霖迪性好尋幽探祕，當外出工作來到黃大仙，便搜尋下商場以外的小店，看看有否意外「收穫」。聽說這家有表現不錯的喇沙，便專程過來試試，現崇山一帶的餐廳不多，這家星怡走親民路線，受居民歡迎也可理解。星加坡喇沙配魚蛋肥牛($72)本來期待的喇沙其實是有點令人失望， 看湯色濃稠但入口層次較單一， 純粹能嘗到辣味和淡椰香，不太能嘗到香料的味道， 就是一碗平凡的喇沙而已。至於配菜魚蛋和肥牛就是一般貨色， 其實湯底已決定了勝負， 若然以茶餐廳水準來評價， 也只是合格而已。桔仔話梅水(+$12)是霖迪最愛的星洲飲品，大大杯是幾抵飲，但可惜桔仔味淡，完全被話梅搶去味道。若然路過只是為了開飯， 星怡可以一試 ，但要專程來試這家喇沙的水準，霖迪覺得可以有更多其他的選擇。星怡睦鄰街8號現崇山商場地下G1-G2號舖

早幾日上網訂位，星期日中午一點到達 ，餐廳大約六成滿，我哋被安排室內中間枱位置， 餐廳裝修有啲殘舊，地板笠黐黐🤢， 好有星馬亞熱帶feel。我哋7位大人一位小朋友，用QR code點餐，我哋嗌咗 4個午餐 : 肉骨茶，海南雞飯，比目魚飯， 肉醬意粉，午餐包一杯嘢飲(有啲特飲要加錢 8蚊至12蚊不等)。 另小菜有馬拉盞炒通菜(有啲辣)， 仲有蛋黃炸魚皮， 烤原條墨魚筒，蝦釀油條，串燒(6條)。 最惹味係個 蛋黃魚皮，夠脆口夠薄，另外肉骨茶個湯底 胡椒味重。最後order咗兩個甜品 : 班蘭咖央多士 &雪糕窩夫， 甜品真係即嗌即整😅，我哋等咗20分鐘🫣， toast 內裏嘅牛油上到嚟餐枱都仲係喺凍硬🤣🤣🤣。全張單930幾蚊，性價比算尚可吧。

食物質素不錯，不過不失的味道！最喜歡環節係有現場樂隊表演(^^其實吾算樂隊，只有一人自彈自唱)但唱得幾好聽。小朋友去都吾錯，因為有兒童餐！如果吾係怕熱，會想坐outdoor，感覺應該好feel好多！而且現崇山附近比較清幽，如果同朋友聽吓歌傾吓偈係一個好好嘅選擇！反而室內比較多人，嘈雜聲比較多！不過冇辦法，依家天氣個個都想嘆冷氣！秋天應該會約朋友去多次食飯👍🏻值得一讚係個咖喱同手抓餅，手抓餅好香，咖喱炆出嚟啲肉好腍！

之前睇YouTube 見到有介紹過呢間餐廳咁岩入開黃大仙就試下啦🤩入到黎食lunch 食左幾樣野：馬來鮮蝦炒貴刁：貴刁炒得幾惹味😋食到一半加d辣醬一齊食都唔錯👍🏻蝦食落都彈牙😚但食到最後會覺得有少少咸🤫娘惹蘿蔔糕：其實姐係同炒貴刁用嘅材料一樣所以味道都差唔多😂但蘿蔔糕比較多粉，食唔到本身蘿蔔糕嘅味🥲安格斯肥牛魚蛋喇沙：喇沙湯底偏creamy 😋係我最鐘意飲果種喇沙所以飲左好多啖🤩肥牛用料唔錯食落有牛味🤤斑斕咖央多士：咖央味道唔錯唔會太甜，但塊牛油好邪惡呀😍多士都脆但略嫌唔夠熱🤫如果再熱d可以夾融d牛油會仲正🤤因為黎食lunch佢有lunch set 所以仲有2杯野飲送😎個人好推介個喇沙🤩唔怕肥可以叫埋個多士🫢可惜冇機會試到佢其他星馬菜🥹下次有機會想再黎試下其他菜式🤫味道：7.5/10價錢：8/10服務：7/10環境：7/10

昨晚一同三行到這餐廳食晚餐, 點了肉骨茶, 粉絲蝦煲，咖哩雞球加薄餅， 什麼炒蘿蔔糕, 柚子沙律,兩杯桔子梳打, 埋單要770蚊, 份量少, 價錢已經覺得唔得抵, 這也不重要, 最慘係超級難食, 肉骨茶咸到好似飲豉油咁, 一啲藥材味都冇, 炒蘿蔔糕仲衰過酒樓叫xo醬炒蘿蔔糕, 得個鹹味, 蘿蔔糕質地淋bet bet, 只有個咖哩雞球是正常啲。返到屋企飲咗三杯水都覺得好口渴咁嘅食物質素及價錢,點可能喺香港消費,就係咁嘅差劣餐廳, 影響曬成個香港餐飲業😡🙄

我今日放工後，約同好友去位於黃大仙睦鄰街8號現崇山商場地下G1-2號舖的星怡食晚餐。環境舒適開揚，坐得舒服。亦有室外雅座，更加有空間感，原來逢星期五晚上7時至10時有駐場歌手獻唱。我點左柚子燒羊架$168，櫻花蝦炒飯$98，及馬來西亞藥材肉骨茶$128。羊架燒得香口，配柚子醬好有特色及惹味，配菜新鮮及豐富；櫻花蝦下面有4隻彈牙的大蝦，炒飯粒粒分明，師傅好有功架；肉骨茶的藥材味濃，金沙排骨炆得軟腍好食，油條、豆卜和冬菇好味和好食！

友人話要試吓🍜新加坡菜估唔到黃大仙都有唔錯嘅星馬餐廳睇睇餐牌，樣樣都想食可惜2人前😛揀幾個特色菜式新加坡麥皮蝦 大大隻 甜甜地 幾得意👍🏻新加坡魚蛋喇沙 豆卜 蝦 濃味 帶鮮味 👌辣椒蟹肉汁配炸饅頭 蕃茄味 辣辣地 好多蟹肉饅頭脆卜卜 特別的配搭🌶️蒜片炒青龍菜 少有的蔬菜🥬味道有啲似皇帝菜青草味比較重 幾特別早晨最愛的水果茶 可選味道 適中 不太甜百香果水果茶🍹芒果水果茶🍹不錯的選擇 地點方便 坐得舒服 仲有室外可以encore😋

今晚到星怡，位於黃大仙睦鄰街8號現崇山商場地下G1-G2號舖。 餐廳有室內和室外座位， 室內環境舒適， 室外空間感十足。星怡主打星馬菜， 款式多，價錢親民。晚餐🥢 ～ 海鮮釀油條$88、 黑松露香煎鮑魚$140、 蒜片炒青龍菜$88、 肉骨茶配飯$88、 新加坡魚蛋喇沙$68。📍海鮮釀油條 ～ 油條口感酥脆，釀海鮮的鮮味十足又Q彈，雙重口感，食得好滋味。 📍黑松露香煎鮑魚 ～ 鮑味濃郁，切成細粒， 口感煙韌。  📍蒜片炒青龍菜 ～ 蒜片炒香，青龍菜清爽脆嫩。 📍肉骨茶配飯 ～ 肉骨茶帶有鮮濃的肉香味，加上嫩滑入味的豬肋骨，拌飯吃很美味。📍新加坡魚蛋喇沙 ～ 喇沙湯底入口香而不辣，油麵掛湯，魚蛋彈牙，豆卜入味。 每款菜式都美味而正宗，價錢合理，值得推介。 🏷️溫馨提示～ 整個用餐體驗均屬個人分享意見， 只作參考😊。

曾經光顧過這間在豪宅現崇山樓下的餐廳，以往也是以性價比為賣點，現在進軍濃味的星馬菜仍是未改這強項服務水平佳，尤其是以小店菜品價錢來說，實在令人滿意🦐新加坡麥片蝦$180以牛油炒得乾身的麥片配開邊蝦，口感乾爽而甜美，蝦🦐件頭夠大，值得一讚🍲肉骨茶配飯(胡椒/藥材) $88規格:胡椒星加坡版的白胡椒肉骨茶，入口比較辛辣，卻沒有絲毫苦澀味油炸鬼的用油相當鮮，那麼潔白的油炸鬼相當少見🥕娘惹蘿蔔糕$78普通的炒蛋蘿蔔糕，蘿蔔多口感爽，配上惹味帶甜的娘惹汁令人一口接一口白飯$15配重味餸菜佳品星怡 (黃大仙)黃大仙睦鄰街8號現崇山商場地下G1-G2號舖

呢間餐廳有多款星馬泰菜，呢度有戶外同室內位置，自己選擇，我地叫左一份燕麥黃金蝦，蝦炸到香脆加埋燕麥片食落甜甜地，蝦有4條甘多都幾大條，另外叫左一份必食推介黑松露鮑魚，黑松露味勁香濃配埋切粒既鮑魚彈牙易食，擺盤都好精緻，仲有一碟炸饅頭配甜辣蟹肉醬汁，自家制辣醬入口酸甜辣辣地甘，炸饅頭有四個仲熱辣辣，沾上醬汁好開胃，外脆內軟，醬汁香濃，仲有一碗新加坡魚蛋粉，白魚蛋彈牙，加上麵條好多配左新加坡特制煮法。

今日去咗係黃大仙現崇山商場嘅「星怡」，主打新加坡菜，食物有水準，裝修海洋風🐋，座位闊落和好坐。🔹️ 新加坡麥片蝦呢點超級推介呀，用咗4隻鮮甜厚肉嘅大虎蝦，沾滿炒過嘅麥片，香甜得來有點惹味。🔹️特大雞脾辣死你媽椰漿飯🐤 椰漿飯係藍色嘅，雞脾超級大隻，炸得好香口，秘製醬汁好惹味，簡直係畫龍點睛。🔹️辣椒蟹肉汁配炸饅頭🔹️新加坡胡椒肉骨茶茶底幾重胡椒味，肉骨、冬菰同其他其他配料都好入味。🔹️涷百香果水果茶🔹️芒果椰汁沙冰

同同事去咗黃大仙嘅現崇山商場食新加坡菜嘅星怡餐廳，餐廳有戶外室內座位，營造出舒適嘅用餐環境。今次我地叫左佢哋嘅招牌菜式，肉骨茶同麥片蝦!新加坡魚蛋喇沙裡面嘅魚蛋好彈牙，同埋湯底鮮香濃郁。另外叫左肉骨茶以胡椒調味，入面嘅蒜頭係精髓，帶嚟一種濃烈嘅胡椒味，好開胃同滿足。仲有一道菜係芝士油酥餅配咖哩雞球，真係驚艷！芝士油酥餅香脆可口，同咖哩雞球完美結合，咖哩嘅味道醇厚，令人回味無窮。另外仲有一道必食嘅菜式係新加坡麥片蝦。啲蝦外脆內嫩，麥片炸得金黃酥脆，一口咬落，意想不到嘅好味道迸發出嚟，真係令人驚喜難忘。總括而言，星怡嘅新加坡菜絕對值得一試。佢哋嘅菜式味道豐富，口味獨特，每一道菜都帶嚟驚喜同滿足。

黑松露香煎鮑魚香煎鮑魚火侯控制好緊要，完全唔韌，口感軟滑而有口感，仲好貼心咁切埋粒放上鮑魚殼，心機之作。有滿滿嘅黑松露調味，無論賣相同味道都一流。新加坡咖喱牛腩有牛腩同好多牛筋，牛筋唔韌，好腍滑，超級好食；薯仔有煎香，咖喱都好香濃。手抓餅有咖喱，梗係要配返份手抓餅～外皮烘得香脆，內層軟綿，加埋咖喱汁，絕配～海鮮釀油條又係考手工嘅菜式，蝦膠彈牙，配上脆卜卜嘅油條，食唔停口。新加坡魚蛋喇沙 有魚蛋、魚片，都好爽口，喇沙好香，豆卜好入味，麵質唔錯，煙韌掛汁。飲品order 左：百香果水果茶同芒果沙冰兩款都好適合炎熱嘅天氣，值得一試。餐廳有除左室內，仲有室外位，有大枱/卡位，朋友聚會/家庭有餐都合適

這間新加坡菜在黃大仙和iquare也有，鄰近新年，將會食很多餐中菜，所以我們選擇了在年廿九食新加坡菜。🚩新加坡麥皮蝦 $180一碟麥皮蝦有四大隻，是真的很巨型，而且肉質爽脆，蟹膏亦很鮮甜及濃郁，麥皮蝦上面的脆脆有點甜甜的，整個醬料的配搭很好，顯得整道菜很惹味。🚩新加坡咖喱牛腩 $88咖喱的濃度對於我們來說剛剛好，辣到亦適中，牛腩半肥瘦，肉質鮮嫩，用來送飯食非常開胃。所以叫了一碗椰漿飯 $28 及白飯 $15。🚩鹹蛋和金炸魚皮 $48整碟炸魚皮份量非常多，而且炸得很鬆脆，鹹蛋味亦很濃郁。🍹熱柑桔話梅水 $30年廿九開始轉涼，喝着這杯熱柑桔話梅水很溫暖，而且酸酸甜甜的，很潤喉。

上個月曾經來到這裏工作，想起這裏有間星加坡菜，今晚便到這裏一試。馬來參巴烤魔鬼魚$128，參巴醬是星加坡特色，味道濃郁帶點辣味，將魔鬼魚的味道層次提升。魔鬼魚的魚肉質地有點像魚翅，是一疏疏的軟骨和魚肉交替着。辣椒蟹肉汁配饅頭$78，蟹肉份量適中，辣椒汁的辣度不算太高，反而帶點蕃茄醬汁的甜酸味道，如果將香脆饅頭放在醬汁之內，酸酸甜甜，非常開胃。牛油蒜蓉油酥餅配咖喱雞腿$98，牛油蒜蓉油酥餅，鬆化帶着濃烈的牛油味道，效果有點像印度的油酥餅。咖喱的味道不算太濃烈，有點像馬來西亞咖喱，有豐富的椰漿味。雞腿採用了雞翼旁邊的雞腿，尺寸雖小，肉質比較有咬口。椰漿飯，蝶豆花的顏色令到椰漿飯變成只藍色，椰漿味道十足，頗為有新鮮感。凍百香果水果茶$39，百香果的味道不算太濃，甜度適中。凍玫瑰花茶$36，有淡淡的玫瑰花香，帶點甜味。