影片
更多
2024-08-18
533 瀏覽
同朋友講起想食泰國菜，馬上介紹左我一間位於深水埗同太子交界嘅餐廳，平時搭開巴士嘅朋友係楓機街落車就好近🚌 鋪頭比想像中企理同乾淨，最特別採用開放式廚房，仲見到有位靚仔泰藉主廚🥰豬肉碎生菜包採用新鮮豬肉🐷食到材料鮮味，混合香葉、洋蔥同乾蒜等等炒勻，店員更建議加入原塊薄荷葉，令味道更加提升黃咖喱牛柳 $115牛柳肉質軟腍，好入味，咖喱汁惹味，帶微微辛辣感，加上當日有西蘭花、花椰菜、紅蘿蔔、豆角粒同車厘茄煮晒啲咖喱汁，大大增加食菜嘅意欲🥬泰式蝦油蝦炒飯 $95炒飯好有鑊氣，粒粒分明，加入泰式蝦油再配上大蝦，啖啖飯都好香，如果鍾意食辣嘅朋友仲可以問店員拎辣粉，加少少落飯中拌勻，更加好味🤣凍泰式奶茶． 凍香茅茶泰式奶茶比起港式會甜啲，不過食完辣野再飲又啱啱好，仲可以解辣添😆香茅茶味道清新，啱晒食完濃味野可以醒一醒神
同朋友講起想食泰國菜，馬上介紹左我一間位於深水埗同太子交界嘅餐廳，平時搭開巴士嘅朋友係楓機街落車就好近🚌 鋪頭比想像中企理同乾淨，最特別採用開放式廚房，仲見到有位靚仔泰藉主廚🥰
豬肉碎生菜包
採用新鮮豬肉🐷食到材料鮮味，混合香葉、洋蔥同乾蒜等等炒勻，店員更建議加入原塊薄荷葉，令味道更加提升
黃咖喱牛柳 $115
牛柳肉質軟腍，好入味，咖喱汁惹味，帶微微辛辣感，加上當日有西蘭花、花椰菜、紅蘿蔔、豆角粒同車厘茄煮晒啲咖喱汁，大大增加食菜嘅意欲🥬
泰式蝦油蝦炒飯 $95
炒飯好有鑊氣，粒粒分明，加入泰式蝦油再配上大蝦，啖啖飯都好香，如果鍾意食辣嘅朋友仲可以問店員拎辣粉，加少少落飯中拌勻，更加好味🤣
凍泰式奶茶． 凍香茅茶
泰式奶茶比起港式會甜啲，不過食完辣野再飲又啱啱好，仲可以解辣添😆
香茅茶味道清新，啱晒食完濃味野可以醒一醒神
張貼
