文記燒臘飯店

營業中

休息中

一行七，八人約好要去大排檔食小炒。原隻燒鵝超有份量，燒得皮脆肉嫩。燒鵝肉除左好嫩滑仲好多汁。枝竹羊腩煲係今晚嘅主角。羊腩堆到滿滿，超澎湃。皮好q 彈，肉都炆得好夠味。枝竹煮得好滑好軟稔。椒鹽鮮魷份量好少，不過仍然食到鮮魷嘅鮮甜同魷魚應有嘅質感。豉椒炒雞腸好夠鑊氣， 調味都好足夠。椒鹽肉排略鹹咗少少， 但作佐酒小食一流。荷蘭豆炒雞什， 荷蘭豆炒得好翠綠，雞什好爽口。涼瓜炒腩肉，腩肉煮得好嫩滑，都幾驚喜!椒鹽魚腩就比較多骨，但魚肉都彈牙。臨走先發現原隻燒鵝只係賣380蚊， 真係抵食夾大件。