新城潮州飯店

營業中

休息中

成日心思思去打冷，去完離島玩左一日，返到黎就去左屋企附近呢間新城，好舊式既裝修，但正正係咁先地道。兩個人點左四樣野，剛剛好。胡椒鹹菜豬肚湯 ， 兩人其實剛剛好，每人分到幾碗仔，好暖胃，仲好入味，都好足料韭菜豬紅- 味道唔錯，都夠入味，不過再濃啲就更好，韭菜都唔算多炸蠔餅 - 大大件，好香脆，即叫即炸，蠔仔唔算多，但真係好鬆化，就算無咩蠔仔，都見到啲蛋漿炸都鬆化晒。滷水鵝 - 都好淋好入味，滷水味好濃，有豆腐係底，雖然無鵝片咁大啖肉，但成碟份量都好好肉，無咩骨，好正！老闆娘都好好人，價錢出奇地平民，唔係好平個種，但九龍城無天價就已經好開心了，值得再黎！