蓮香居 (已結業)

話說有位日本朋友黎香港幾日, 我當然要帶佢去食、食、同食喇!!其實之前都同佢去過不少地方食野, 不過就係未帶過佢黎蓮香居~今次一於帶佢睇下香港舊派既酒樓係點架喇!!三色糕 - 蘿蔔糕、芋頭糕、馬蹄糕, 估唔到佢最LIKE馬蹄糕喎!可能係因為甜甜地但又煎到好香口咁喇~蝦餃 - 基本上係飲茶必叫之選, 所以黎蓮香居飲茶又點可以唔叫蝦餃呢?味道好似比以前爭少少, 不過入面既蝦都算係新鮮, 不過不失喇!燒賣 - 燒賣都係唔少得喇, 好食! 好耐冇食過呢一種豬肉味既燒賣, 食到豬肉既鮮味沙翁 - 買少見少既沙翁都係一定要叫架, 因為日本既朋友一定未食過! 果然, 佢係咁話好食魚雲 - 其實由細到大我都幾抗拒呢一樣野, 今次係為左呢位日本朋友踏出我既第一次味道比想像中好, 無腥味, 只是我好怕魚鱗同埋魚骨, 所以食左兩舊就放棄LU....日本朋友都一樣, 睇黎佢都唔係好鍾意食呢味總括~蓮香居既食物依然唔錯, 亦都依然水滾茶靚。