影片
更多
2024-11-02
304 瀏覽
喺屋企附近搵間好嘅法國餐廳，原來唔係咁難。喺將軍澳Popcorn一樓，有間食Causal法國菜幾出名嘅ODelice! 。之前已經試過佢個brunch，今次嚟試吓佢晚餐。佢嘅二人餐好有趣，$538就有兩份湯同餐包、頭盤或甜品，同埋兩份主菜。即係話可以選擇一份頭盤一份甜品加兩份主菜，感覺上冇咁滯，可以留返啲位食甜品😂。當中有啲菜式可以加錢升級，但整體嚟講就算唔升級都幾多選擇。法式點心拼盤 (+$30)作為Starter佢係極之有驚喜。首先一個Starter差唔多係二人份量，當中包括- 蟹肉他他- 蕃茄紅甜椒蘸醬- 迷你蛋批- 炸黑松露蘑菇球- 西班牙火腿呢個根本就係西班牙tapas拼盤，每樣嘢食都係small bite，如果以一人份量計其實係幾大份。味道方面最好食係炸黑松露蘑菇球，有陣陣松露味，加上蘑菇嘅質感。蛋批同蟹肉他他都有不錯水準。原隻烤龍蝦 (+$135)上菜已經嚇一跳，除咗因為龍蝦好大隻，原來仲跟咗個薯條。龍蝦有非常豐富嘅芝士醬，配埋啖啖彈牙嘅龍蝦肉，食嗰陣真係諗緊，咁先係法國菜嘛！阿根廷安格斯肉眼牛排 (+$45)Medium Rare嘅阿根廷牛扒，做得相當不錯。首先要讚嘅當
喺將軍澳Popcorn一樓，有間食Causal法國菜幾出名嘅ODelice! 。之前已經試過佢個brunch，今次嚟試吓佢晚餐。
佢嘅二人餐好有趣，$538就有兩份湯同餐包、頭盤或甜品，同埋兩份主菜。即係話可以選擇一份頭盤一份甜品加兩份主菜，感覺上冇咁滯，可以留返啲位食甜品😂。當中有啲菜式可以加錢升級，但整體嚟講就算唔升級都幾多選擇。
法式點心拼盤 (+$30)
作為Starter佢係極之有驚喜。首先一個Starter差唔多係二人份量，當中包括
- 蟹肉他他
- 蕃茄紅甜椒蘸醬
- 迷你蛋批
- 炸黑松露蘑菇球
- 西班牙火腿
呢個根本就係西班牙tapas拼盤，每樣嘢食都係small bite，如果以一人份量計其實係幾大份。味道方面最好食係炸黑松露蘑菇球，有陣陣松露味，加上蘑菇嘅質感。蛋批同蟹肉他他都有不錯水準。
原隻烤龍蝦 (+$135)
上菜已經嚇一跳，除咗因為龍蝦好大隻，原來仲跟咗個薯條。龍蝦有非常豐富嘅芝士醬，配埋啖啖彈牙嘅龍蝦肉，食嗰陣真係諗緊，咁先係法國菜嘛！
阿根廷安格斯肉眼牛排 (+$45)
Medium Rare嘅阿根廷牛扒，做得相當不錯。首先要讚嘅當然係成熟度準確。肉質夠腍亦有油香，但又唔會好肥，所以食好多塊都唔覺得膩。要留意枱面提供鹽同黑椒係要落嘅，咁樣會令塊扒好味好多。
芒果紅莓醬可麗餅椰子雪糕
砌得相當靚嘅Crepe。
其實個邏輯好簡單，就係用芒果同紅莓醬嘅酸度，平衡椰子雪糕嘅甜度。而結果係成功嘅，整體唔會偏甜，Crepe當然就係提供質感。
Domaine Roux Pere et Fils ’Les Cotilles‘ Pinot Noir $90
之後講講紅酒。呢啲表面上係VDF，實際上酒莊喺Burgundy，所以Pinot noir都有一定水準，頗甜美，紅果香爆棚。
Japanese Mule $85
主要嘅成份係Gin同巨峰提子香甜酒。但當中聞到唔少嘅水果味，亦有一定花香。飲落去酸酸甜甜嘅水果酒咁，清新解渴，亦有酒精作支撐。
有時要食好嘢唔一定要去到山旮旯，地鐵站上蓋一樣有好嘢食。最後要讚嘅其實係餐廳嘅節奏控制，佢唔會將所有嘢食一齊上菜，而係先上starter，食完到主菜係兩份一齊上，最後收晒枱面嘅嘢先上甜品，明顯唔係趕頭趕命嘅節奏。
張貼
