新橋餐廳 (已結業)

任飲任食燒烤餐 ($380)冬天燒烤癮發作，但係又驚攪到成身碳火味洗唔甩？今次介紹嘅喱間係尖東嘅樓上餐廳就滿足哂兩個要求啦😏。裝修好優雅，分開左幾個區，有飛標區、吧枱、室內同露天嘅用餐區。 主打即叫即燒任食燒烤，除左一般嘅雜扒、雜丸、雜菜之外，仲有海鮮食，例如係原隻芝士燒元貝、鹽燒海蝦、黃金蒜蓉青口同燒生蠔等🤓👍🏻，食材絕非行貨。 而調味同火喉亦算掌握得唔錯，例如燒雞腎咬落有肉汁、牛仔骨夠嫩口唔痴骨、燒魚嘅外皮香脆而肉質嫩滑、青口表面嘅蒜蓉微焦，咬落香到不得了。每位仲送半份龍蝦，而司令就選擇左用薑葱炒黎食😏。 整體食物水準幾好，樣樣野都十足燒野食嘅味道，唔洗自己動手燒就有得食，又唔怕污穢又唔洗驚燒焦哂。 PS: 店員話人多嘅話就可以包起露天嗰區攪party，仲會有大廚現場燒烤🤔🤓。真係諗起都興奮，攪gathering考慮下喱啲地方都幾唔錯。