影片
更多
2024-06-16
52 瀏覽
黎海之戀通常都係去樓下嗰層，今日行咗上去三樓，見到原來都有間西餐廳，地方都幾大，就坐低咗啦。我哋嗌咗兩個套餐。前菜有餐湯，我哋一人叫咗一個忌廉龍蝦蟹肉湯同埋是日餐湯係蕃茄湯。前者都幾香甜，食到有龍蝦汁嘅味道，而且都有幾嚿蟹肉。後者嘅配菜就會多啲，真係見到有好多嘅蕃茄，幾開胃。漢普夏有骨豬扒配柚子蘋果肉汁($198): 豬扒，其實幾有驚喜喎，煮得好琳，而且冇乜根，豬扒本身窖口，但係食落去啖啖肉， PUMA佢嘅青蘋果肉汁，好食。香煎帶子海鮮龍蝦汁扁意粉($178) : 本身第一啖食落去其實有少少覺得較淡味嘅，食到去中間先見到其實碟底下面有好多汁之後再撈一撈番就好好多啦！不過鋪面嘅海鮮可以再稍為煎多少少，如果煎到表面脆身嘅話會更加香口。餐茶方面，我哋兩個都叫咗百香果冰紅茶，正正常常唔太甜。最後兩個套餐都配有甜品，可以揀朱古力心太軟同埋佢哋嘅自家製蛋糕，我哋每人叫咗一個。朱古力心太軟香濃，唔會太過死甜，而且配上士多啤梨醬，酸酸甜甜咁。是日甜品有Tiramisu，但係自己覺得上面白色嘅部份比較似木糠布甸，不過夾埋有幾好食，而且好滑好香奶油味唔錯。總結：其實真係估唔到海之戀會有呢一種西餐廳，而且呢
前菜有餐湯，我哋一人叫咗一個忌廉龍蝦蟹肉湯同埋是日餐湯係蕃茄湯。前者都幾香甜，食到有龍蝦汁嘅味道，而且都有幾嚿蟹肉。後者嘅配菜就會多啲，真係見到有好多嘅蕃茄，幾開胃。
漢普夏有骨豬扒配柚子蘋果肉汁($198): 豬扒，其實幾有驚喜喎，煮得好琳，而且冇乜根，豬扒本身窖口，但係食落去啖啖肉， PUMA佢嘅青蘋果肉汁，好食。
香煎帶子海鮮龍蝦汁扁意粉($178) : 本身第一啖食落去其實有少少覺得較淡味嘅，食到去中間先見到其實碟底下面有好多汁之後再撈一撈番就好好多啦！不過鋪面嘅海鮮可以再稍為煎多少少，如果煎到表面脆身嘅話會更加香口。
餐茶方面，我哋兩個都叫咗百香果冰紅茶，正正常常唔太甜。
最後兩個套餐都配有甜品，可以揀朱古力心太軟同埋佢哋嘅自家製蛋糕，我哋每人叫咗一個。朱古力心太軟香濃，唔會太過死甜，而且配上士多啤梨醬，酸酸甜甜咁。是日甜品有Tiramisu，但係自己覺得上面白色嘅部份比較似木糠布甸，不過夾埋有幾好食，而且好滑好香奶油味唔錯。
總結：其實真係估唔到海之戀會有呢一種西餐廳，而且呢一個價錢包餐湯嘢飲再加埋甜品其實真係超值，而且唔算差，餐廳坐得好舒服枱同枱之間唔會距離好近，而且上菜速度同埋員工態度都好好，絕對會再嚟！
張貼
