王牌冰室 (南豐紗廠) (已結業)

放假難得一早出到荃灣，搵餐廳想食all day breakfast，好多都起碼11點先開，無咩選擇，所以就揀咗呢間喺南豐紗廠嘅冰室。冰室裝修懷舊，座位與座位之間都寬闊，好多卡位，坐得好舒服。•🥢 沙爹牛肉麵配鹹牛肉炒蛋潛艇 $56湯底因為超多沙爹醬而偏杰身，好香濃👍🏻麵質爽口，沙爹牛肉嘅肉味就正常，唔特別出色。潛艇包烘得幾好，味道似甜餐包咁，口感好鬆軟，最正係個包超多芝麻🤩 鹹牛肉炒蛋就正常，一個人食哂兩樣超級飽😆•🥢 香煎燒汁雞扒勁量早餐 $56呢個餐係有雞扒配煙肉、火腿奄列、炸薯餅、法蘭克福腸、焗豆、丹麥多士。丹麥多士外脆內軟，細細塊都夠食，薯餅係熱同脆架，但比較重油溢味同埋無咩薯味👎🏻而法蘭克福腸就似蒸出嚟咁，無咩味又唔香口。雞扒話係煎但似炸，有薄薄一層炸皮包住，味道有啲古怪。