影片
更多
2024-08-14
401 瀏覽
前排去完法國，真係好掛住啲油封鴨腿同洋蔥湯，心諗如果喺香港都可以食到啲好食又唔貴嘅法國菜就好。雖然呢度又唔係打正旗號食法國嘢，但又有好幾款法國比較signature嘅餸菜。環境係幾舒服嘅，因為冇訂位，只可以坐近門口位置，如果早啲訂，就可以坐出面有陽光有玻璃嘅地方，感覺再舒服多一啲啲。叫咗個洋蔥湯，都幾真材實料，濃度都係我覺得適中嘅，唔會太過鹹同太過膩。兩個主菜分別係忌廉烤雞，同埋油封鴨腿。忌廉煮雞個忌廉汁真係非常好食，炸過嘅大蔥絲放喺面頭，真係神來之筆，配合埋隻酥炸過嘅雞，醬汁裏面又有蘑菇同埋薯仔，成件事好豐富好滿足。記得如果點呢個主菜就唔使再叫麵包，因為呢個主菜係會配四片酸種麵包嘅。麵包用咗橄欖油去焗，煙靭再加上有少少油酥味，非常好食。油封鴨腿用咗比較傳統嘅做法，連同一啲黃豆去煮，側邊仲有啲煙肉同埋香腸，屬於蛋白質滿滿嘅菜式。味道會比較鹹香，建議嗌杯酒去做埋Pairing，有酸味去平衡吓應該會更加完美！每個主菜大約係二百幾蚊左右，價錢都算好公道，仲有其實佢每一日都會有特別嘅優惠，例如今日星期日甜品就有半價，平日嘅優惠好似仲吸引添！
雖然呢度又唔係打正旗號食法國嘢，但又有好幾款法國比較signature嘅餸菜。環境係幾舒服嘅，因為冇訂位，只可以坐近門口位置，如果早啲訂，就可以坐出面有陽光有玻璃嘅地方，感覺再舒服多一啲啲。
叫咗個洋蔥湯，都幾真材實料，濃度都係我覺得適中嘅，唔會太過鹹同太過膩。
兩個主菜分別係忌廉烤雞，同埋油封鴨腿。忌廉煮雞個忌廉汁真係非常好食，炸過嘅大蔥絲放喺面頭，真係神來之筆，配合埋隻酥炸過嘅雞，醬汁裏面又有蘑菇同埋薯仔，成件事好豐富好滿足。記得如果點呢個主菜就唔使再叫麵包，因為呢個主菜係會配四片酸種麵包嘅。麵包用咗橄欖油去焗，煙靭再加上有少少油酥味，非常好食。
油封鴨腿用咗比較傳統嘅做法，連同一啲黃豆去煮，側邊仲有啲煙肉同埋香腸，屬於蛋白質滿滿嘅菜式。味道會比較鹹香，建議嗌杯酒去做埋Pairing，有酸味去平衡吓應該會更加完美！
每個主菜大約係二百幾蚊左右，價錢都算好公道，仲有其實佢每一日都會有特別嘅優惠，例如今日星期日甜品就有半價，平日嘅優惠好似仲吸引添！
張貼
