嚐越 (已結業)

是日為閒日下午茶時段.本來想食"宜家".但係唔記得左佢搬左鋪.得返一個鐘就要去睇戲就求其搵間鋪食德福真係無咩餐廳好揀,見呢間有下午茶,就走去試下同層除左快餐店.唔知點解其他餐廳都極少人.包括呢間在內我地兩個人揀左卡位.座位闊落幾舒適.下午茶有湯粉同d小食揀.對方揀左牛肉湯檬,我就揀左個小食併盆(個tea set個名太長,我簡化左)佢話個檬粉都幾好食.(難得佢話好食.)我個餐有蒜蓉包(唔會好硬身),越式粉包(好似水餃d料,有蘿蔔,木耳,肉碎等等),雞扒(肉唔"鞋").計埋野飲都係三十蚊左右.抵食.