影片
更多
2024-10-25
435 瀏覽
最近將軍澳東港城開咗間新嘅泰國餐廳，見到有唔少人幫襯，口碑好似幾好。餐廳佈局充滿泰國風情，地方好大，感覺舒服。泰式乾炒豬肉片河粉（$78）- 豬肉河炒香口，除咗肉片之外，仲有芥蘭同紅蘿蔔，香口惹味。份量亦算多，值得推介。泰式雜錦串燒（$148）- 呢個雜錦串燒拼盤，包括有雞翼、蝦餅、魚餅及春卷（每款各兩份），配以甜酸醬，食落非常開胃。值得一讚，上菜時係熱辣辣，特別滋味。泰式街頭椰子粟米雪糕（$58）- 賣相已經非常吸引，入邊除咗有椰子雪糕之外，仲有椰子肉、粟米、花生同埋糯米飯。估唔到呢幾種食物，無論味道同質感都非常之夾，好有驚喜嘅一道甜品。椰汁沙冰（$38）及芒果沙冰（$40）- 椰子沙𣲙入口帶椰子清香，味道唔會太甜，消暑解渴。芒果沙冰則酸酸甜甜，帶水果香氣，感覺清新。
泰式乾炒豬肉片河粉（$78）- 豬肉河炒香口，除咗肉片之外，仲有芥蘭同紅蘿蔔，香口惹味。份量亦算多，值得推介。
泰式雜錦串燒（$148）- 呢個雜錦串燒拼盤，包括有雞翼、蝦餅、魚餅及春卷（每款各兩份），配以甜酸醬，食落非常開胃。值得一讚，上菜時係熱辣辣，特別滋味。
泰式街頭椰子粟米雪糕（$58）- 賣相已經非常吸引，入邊除咗有椰子雪糕之外，仲有椰子肉、粟米、花生同埋糯米飯。估唔到呢幾種食物，無論味道同質感都非常之夾，好有驚喜嘅一道甜品。
椰汁沙冰（$38）及芒果沙冰（$40）- 椰子沙𣲙入口帶椰子清香，味道唔會太甜，消暑解渴。芒果沙冰則酸酸甜甜，帶水果香氣，感覺清新。
張貼
