泰國婆

營業中

休息中

收工後媽咪突然通知唔想煮飯，咁一齊出街搵嘢食！今次就揀咗喺坑口東港城嘅泰國餐廳- 泰國婆！餐廳環境闊落，有唔少街坊幫襯！🌟泰國婆炒飯最先被吸引嘅食物，估唔到係呢一個炒飯，相當惹味，用咗臘腸、櫻花蝦、豆角、蛋絲等不同材料。醬油炒飯底鹹香惹味，炒得乾身唔油膩。配上甜甜地肥瘦均稱嘅臘腸，爽口嘅豆角，係會令人食過不停！🌟泰式燒鮮魷魚呢度嘅原隻燒魷魚燒得相當好，新鮮彈牙唔會燒得太乾，燒時用上嘅醬汁食落有啲焦糖香。就咁食已經食到食物嘅原味，想再層次豐富啲可以點埋酸辣汁！🌟泰式燒豬頸肉燒豬頸肉外層燒得香脆，內層保持多肉汁。🌟芒果糯米飯👧🏻認為好食嘅芒果糯米飯，糯米飯要係熱嘅，椰漿要加適量嘅鹽去調味提升甜度同椰香味。呢間嘅芒果糯米飯全做到以上要求糯米飯分為正常糯米和紫米版本，再加上黃豆脆脆，口感更豐富。主角芒果🥭質感清爽滑溜唔會過甜。🌟菠蘿梳打食熱氣野緊係要配返幫清爽嘅飲品！飲品冇落太多糖水，岩曬平時叫少甜既👧🏻！仲有滿滿嘅鮮甜菠蘿🍍，唯一覺得飲品大杯少少會更開心！