Fika

營業中

休息中

我住左將軍澳區差唔多五年，但今日係我第一次行入去坑口村🤣，Fika係唯一既一間意大利餐廳。入面環境唔算大，但大部分顧客同職員或者主廚都有講有笑，充滿溫暖。- 是日餐湯黑松露湯質感比較濃稠，味道唔錯。- 牛油果蟹肉脆餅賣相真係麻麻，但蟹肉好足，加上紅椒、三文魚籽同牛油果，口感豐富令人真係會食唔停口，可惜得兩件😢- 日本珍珠意式香草醬意大利飯珍珠帶子好细粒，肉質爽口彈牙，香草醬好清新，口感唔會話太濕潤，最緊要係意大利飯煮得啱啱好👍🏻- 卡邦尼意粉餐廳用左扁意粉，軟硬程度適中。有別一般餐廳既卡邦尼意粉，Fika同時用上豬頰肉同埋豬腩😍，豬腩更加係自己醃製，肉味濃郁，再加上日本蛋同芝士碎，味道更加豐富。原來坑口村有間咁出色既意大利餐廳。就算地理位置唔太方便，我都會再光顧。