泰國婆

營業中

休息中

今晚同老婆去坑口睇戲，住附近既朋友介紹了間泰國餐廳俾我，反正未試過，就試吓朋友介紹。泰式燒豬頸肉$78燒得好脆，好惹味，唔會太肥，食落唔嚡。串燒拼盤$98有6串，可自由組合，我們選了牛豬雞各2串，牛同豬正常發揮，雞串用雞脾肉做串燒，好嫩滑又唔肥，個沙嗲醬我地都好鍾意。泰式海鮮炒粉絲$98配料有蝦、魷魚、青口同埋青椒紅椒炒埋一齊，香味十足，海鮮都唔錯，份量適中，好好味，如果再多d就好了。泰式蟹肉炒飯$88呢個炒飯炒得好有鑊氣，蟹肉大大梳份量又多，有d驚喜，而且好鮮甜，加少少青檸汁，令個炒飯特別好味。朋友介紹得都唔錯，可以下次再食其他款式。