潮龍清湯腩 (已結業)

22/2/21潮龍清湯腩雖然依家開返晚市，不過家人話想外賣返去食，所以就叫左外賣。我哋叫左招牌泡飯、牛腩牛丸麵同一份潮式腐皮卷。因為係外賣，所以個飯同麵都分湯。先講潮龍招牌泡飯，材料有豬手、牛腩、雜丸、豬膶、紫菜，算足料，泡飯份量都好足，牛腩好入味、牛丸好彈牙，最讚係個湯底，清甜，好正，重點當然係無味精， 唔同個面晚湯架， 真係一款湯for 泡飯晚，鍾意飲湯既人會飲曬，而我就當然飲哂啦。至於牛坑腩拼牛丸麵，牛腩有清甜味，軟硬適中，不愧為專做坑腩既店，牛丸亦好有肉汁，食落感覺幸福～個麵份量充足，咬感一流，值得一試。潮式腐皮卷，$19，抵食，煎炸得啱啱好，香口，配埋酸甜醬，確係唔錯， 值得一試。最後不得不讚， 店家主動分湯上， 返到去整返熱個湯倒落去就剛剛好啦， 細心之舉！