家嫂

營業中

休息中

叫左個咖哩吉列豬扒飯, 上菜之後冇比到咖哩汁, 我就問個侍應呀姐, 佢話冇跟咖哩汁, 得沙律醬...我以為我自己睇錯餐牌, 睇返個餐牌, 明明有寫, 我落單時都係叫咖哩吉列豬扒飯... 呀姐又冇同我講冇咖哩汁.我問佢, 乾爭爭點食? 佢話啲豬扒醃左, 有味的.. 跟住我問佢廚房有冇其他汁, 佢一口就話冇, 我話連豉油都冇?? 佢都話冇... 之後佢就行開左...我就信佢豬扒醃左, 有味的.... 試下食左啖，真係頂唔順, 乾爭爭又冇味，再叫返佢過嚟，我見餐牌有粟米龍躉飯，就問佢有冇粟米汁，佢又話唔得/唔同做法/拎唔到之類...最後叫我轉食米線, 就收曬我D 野倒左佢....其實我都唔想浪費食物, 佢求其拎D豉油比我, 我都會照食... 我唔明點解佢情願倒左佢, 都唔肯去廚房睇下...估唔到今時今日起香港食餐正常飯都咁難...